Presidenti francez Emmanuel Macron ka akuzuar kryeministrin australian Scott Morrison se ka gënjyer për një kontratë shumë miliardë dollarëshe për nëndetëset, e anuluar gjashtë javë më parë, për shkak të një aleance të re sigurie midis Kanberras, Uashingtonit dhe Londrës.

I pyetur nga gazetarët australianë nëse ai mendonte se Morrison e kishte gënjyer për qëllimet e Canberras në lidhje me marrëveshjen e nëndetëseve në margjinat e samitit të G20 në Romë të dielën vonë, Macron u përgjigj: “Nuk mendoj. E di”.

Mosmarrëveshja midis Parisit dhe Kanberras u nxor në pah në shtator kur Shtetet e Bashkuara njoftuan një aleancë të re sigurie me Britaninë dhe Australinë për Paqësorin Jugor, që synonte të kundërshtonte fuqinë e Kinës në rajon.

Sipas aleancës, e njohur me shkurtesën AUKUS, Australisë do t’i jepet qasje në teknologjinë amerikane për ndërtimin dhe funksionimin e nëndetëseve bërthamore.

Ajo rezultoi në rënien e marrëveshjes 56 miliardë euro (66 miliardë dollarë) me Francën.

“Unë mendoj se ju mund të keni mosmarrëveshje, unë respektoj zgjedhjet sovrane, por ju duhet të respektoni aleatët dhe partnerët, dhe nuk ishte në rregull me këtë marrëveshje”.

Morrison mohoi të kishte gënjyer presidentin francez, duke shtuar se vendimi për të anuluar marrëveshjen “ishte në interesin kombëtar të Australisë”.

Të premten, presidenti i SHBA Joe Biden tregoi pendim për pasojat e aleancës AUKUS teksa takoi Macron në Romë, duke thënë se mënyra se si u ndërmjetësua ishte keqtrajtuar.

“Ajo që bëmë ishte e ngathët”, tha Biden, duke shtuar se ai kishte përshtypjen në atë kohë se Parisi ishte informuar shumë përpara se të shpallej pakti.

Dhe Macron dukej “i etur” për ta lënë pas mosmarrëveshjen me SHBA-në. /Telegrafi/

Leave a Reply

Your email address will not be published.

You May Also Like

Prishtinë: Qytetari godet me grusht policin brenda stacionit policor

Policia e ka arrestuar një person (mashkull) pasi i njëjti gjatë kërkimit…

Kontrolle në kazinot e Gjevgjelisë, konstatohen shumë parregullësi

Më datën 17.04.2022, nëpunës policor të Departamentit të Policisë Kriminalistike në bashkëpunim…

Zvogëlohet numri i rasteve aktive në Maqedoni, gati gjysma e rasteve me coronavirus janë në Shkup

Ka filluar të bie numri i rasteve të reja me coronavirus në…

Vdes në moshën 37 vjeç nga koronavirusi diplomati britanik

Një diplomat britanik ka vdekur në Hungari, pasi është infektuar me koronavirus.…

Zaev kërkon dorëheqjen e Çulevit: Duhet të ketë përgjegjësi për tubimet në Strugë

Kreu i LSDM-së, Zoran Zaev kërkon dorëheqjen e ministrit të Punëve të…