Derisa Finlanda po bëhet gati për anëtarësim në NATO, luftanijet e Aleancës Veri-Atlantike kanë arritur në këtë vend ku do të realizojnë stërvitje ushtarake.

Vendet anëtare të NATO-s, Latvia, Estonia dhe Holanda do të kryejnë stërvitje ushtarakë në Detin Baltik së bashku me Finlandën, ka konfirmuar ushtria e këtij vendi, transmeton Telegrafi.

Stërvitjet e përbashkëta do të fokusohen në “veprimet kundër minave”. Stërvitjet do të mbahen të enjten dhe premten.

“Qëllimi kryesor i stërvitjeve është gjetja e objekteve nënujore”, ka deklaruar kreu i flotës Mikko Villikari.

Në stërvitje do të marrin pjesë edhe dy anije finlandeze Kazanpaa, që shërbejnë për hulumtimin dhe zbulimin e minave. Stërvitjet do të mbahen në një lokacion rreth 540 kilometra larg qytetit rus Shën Petersburgu.

E pavarësisht që stërvitjet ishin planifikuar më parë, ato po vijnë në kohën kur dy vendet që tradicionalisht kanë qëndruar neutrale – pra Finlanda dhe Suedia po bëhen për aplikim për pranim në NATO gjatë muajit maj.

Rusia ndan kufirin me Finlandën në një gjatësi prej 1.340 kilometra, kurse Moska ka paralajmëruar që lëvizjet e fundit të Finlandës mund të kenë pasoja, në veçanti ideja për anëtarësim në NATO. /Telegrafi

Leave a Reply

Your email address will not be published.

You May Also Like

Dialogu Prishtinë – Beograd pritet të nisë shpejt, Szunyog thotë se Kurti tashmë ka ftesë për të vizituar Brukselin

Shefi i zyrës së BE-së në Kosovë, Tomas Szunyog, ka thënë se…

Deklarata e Kiçeec, enigmë për Boki 13 dhe Janevën

Zoran Milevski – Kiçeec do të vendosë nëse dëshminë e tij para…

Karantinat shtetërore janë të sigurta dhe kontrollohen rreptësisht

Karantinat shtetërore janë të sigurta dhe rreptësisht të kontrolluara. Objektet i siguron…

Gëzhoja plumbash para dyerve të Ministrisë së Bujqësisë në Shkup

Mëngjesin e sotëm para dyerve të Ministrisë së Bujqësisë, Pylltarisë dhe Ekonomisë…

Mediat britanike zbulojnë të pathënat, si avioni spiun amerikan monitoron lëvizjet e Vladimir Putin në kufirin mes Rusisë dhe Ukrainës

Një avion spiun amerikan u pikas javën e kaluar në një bazë…