Bashkimi Evropian (BE) do të sigurojë 80 milionë euro mbështetje makro-financiare për Maqedoninë e Veriut për shkak të pandemisë së Covid-19. Komisioni Evropian njoftoi se është nënshkruar një memorandum mirëkuptimi për të siguruar mbështetje financiare për Maqedoninë e Veriut.

Këto fonde do të jenë në dispozicion në formën e kredive afatgjata me kushte shumë të favorshme.

“Fondet do të kontribuojnë në përmirësimin e stabilitetit makroekonomik dhe krijimin e hapësirës për shpërndarjen e burimeve për t’i zbutur pasojat serioze negative socio-ekonomike të pandemisë së koronavirusit”, informon KE.

Programi për Maqedoninë e Veriut është me vlerë prej 160 milion eurove.

“Sot nënshkruam një Memorandum për mirëkuptim me Maqedoninë e Veriut, duke e hapur rrugën për pagesën e ndihmës financiare prej 80 milion eurosh”, theksoi Komisionari i Ekonomisë, Paolo Xhentiloni.

Në njoftim thuhet se mbështetja makro-financiare prej 80 milionë eurosh do të ofrohet për Maqedoninë e Veriut në mënyrë që të kufizojë efektet ekonomike të pandemisë.

BE-ja siguron mbështetje makro-financiare për vendet e afërta në kohë krizash ekonomike. Për këtë mbështetje, nevojitet plotësimi i disa kushteve. Ndihma financiare e BE-së përmban kushte shumë më të favorshme të ripagimit në krahasim me kreditë që këto vende në rrethana normale mund të marrin nga tregjet.

Vendimi për të ofruar ndihmë makro-financiare për dhjetë vendet në kontekstin e ballafaqimit me pandeminë Covid-19 u propozua nga Komisioni më 22 prill dhe u miratua nga ligjvënësit më 25 maj të vitit 2020.

Leave a Reply

Your email address will not be published. Required fields are marked *

You May Also Like

“Mosparaqitja e Ahmetit dhe Grubit si dëshmitarë, vulosi dënimet e përjetshme për herë të dytë”

Gjykata e Apelit në Shkup sot ka konfirmuar vendimin e Gjykatës Themelore…

Bugajski: Nëse rishikohen territoret në Kosovë, shqiptarët e Maqedonisë mund të kërkojnë bashkim me Shqipërinë

Ndërsa pandemia e koronavirusit shqetëson Uashingtonin, administrata e Trump pa dashje po…

Kurti i publikon me emra e foto: Vrasja e Aganit u urdhërua nga këta dy persona

Faton Kurti, kryetar i Republikanëve të Kosovës, ka thënë se vrasja e…

Hallaçi: Kërkoj zbardhjen e rastit të Kumanovës

Ju bejë Apel te gjithë Shqiptarve mbarë kombëtarë për hirë se vertetës…

Avokatja e Grupit të Kumanovës: Qeveria e Albin Kurtit do t’i lirojë djemtë tanë!

Kërkesa për hetim ndërkombëtar të rastit të Lagjes së Trimave të Kumanovës…