Kryeministri i Kosovës, Albin Kurti ka përshëndetur vendimin e Shteteve të Bashkuara të Amerikës për sanksionimin e grupit të organizuar kriminal në krye me Zvonko Veselinovic që vepron në veri të Kosovës.

Kurti tha se Vendimi i sotëm i Shteteve të Bashkuara të Amerikës vërteton legjitimitetin e veprimeve të Policisë së Kosovës javë më parë në komunën veriore të Mitrovicës kundër kontrabanduesve të mallrave ilegale.

“Përgjegjës për trafikimin e mallrave, parave, narkotikëve dhe armëve në mes Kosovës dhe Serbisë, ky grup është dëshmia më e mira se krimi në veriun e Kosovës është realitet i përditshëm që cenon ligjshmërinë e të drejtat, lirinë dhe të mirat e qytetarëve. Vendimi i sotëm i Shteteve të Bashkuara të Amerikës vërteton legjitimitetin e veprimeve të Policisë së Kosovës javë më parë në komunën veriore të Mitrovicës kundër kontrabanduesve të mallrave ilegale.

Lidhjet e bashkëpunimit ndëretnik të grupeve kriminale dhe fushëveprimit të tyre transnacional do t’i luftojmë nëpërmjet bashkëpunimit të zyrtarëve të institucioneve tona pa dallim etnie dhe bashkëpunimit ndërkombëtar me aleatët e partnerët tanë”, shkroi Kurti.

Kryeministri tha se ‘Krimi i organizuar është rrezik i sigurisë kombëtare. Republika e Kosovës është e të gjithë qytetarëve të saj. Qeveria e Republikës së Kosovë ka prioritet luftimin e krimit të organizuar dhe korrupsionit’

Sot, Zyra e Departamentit Amerikan të Thesarit për Kontrollin e Pasurive të Huaja ka targetuar 16 individë nga 24 entite në disa shtete të Evropës dhe Hemisferës Veriore, në mesin e tyre edhe Zvonko Veselinoviqin dhe grupin e tij të krimit të organizuar si përgjegjës për trafikimin e mallrave, parave, narkotikëve dhe armëve mes Kosovës dhe Serbisë.

Leave a Reply

Your email address will not be published.

You May Also Like

20-vjetori i Euros

Monedha e përbashkët i bashkoi edhe më tepër vendet e BE-së. Por…

Çekia po bëhet gati për festivalin e filmit

Një nga ngjarjet kryesore kinematografike në Europën qëndrore dhe lindore Festivali i…

Iu ndalua fluturimi në zonat ajrore nga vendet e Ballkanit, konfirmohet edhe zyrtarisht anulimi i vizitës së Lavrovit në Serbi

Ambasadori rus Aleksandr Botsan Kharchenko e ka njoftuar presidentin e Serbisë, Aleksandar…

Reformimi i Policisë, ambasadori gjerman i dorëzon Çuçit raportin e Policisë Federale

MB: Do të fillojmë punën menjëherë! Gjermania do të ndihmojë Shqipërinë në…

Probleme me kontrollin ajror në Francë, anulohen qindra fluturime në Evropë

Qindra mijëra udhëtarë janë duke u përballur me vonesa ose anulim të…