Kryeministri Albin Kurti është pritur sot në takim nga presidenti turk, Rexhep Taip Erdogan, në Stamboll të Turqisë.
Sipas Kurtit, ata janë pajtuar që ta intensifikojmë bashkëpunimin veçanërisht në fushat e investimeve, tregtisë dhe sigurisë.
“I nderuar që u prita nga Presidenti Rexhep Taip Erdogan sot në Stamboll. E falënderova për mbështetjen e pakushtëzuar të Turqisë për Kosovën ndër vite. Ne ramë dakord që të intensifikojmë më tej bashkëpunimin tonë, veçanërisht në fushat e investimeve, tregtisë dhe sigurisë”.
Ndërsa presidenti turk në një konferencë të përbashkët me Kurtin ka thënë se e mbështet dialogun Kosovë-Serbi dhe se pret nga palët që të demonstrojnë qasje konstruktive në këtë drejtim.
