Kryeministri i Kosovës, Albin Kurti priti në takim njoftues shefen e Zyrës ndërlidhëse greke në Kosovë, Heleni Vakali.

Teksa i dëshiroi mirëseardhje Vakali, kryeministri Kurti theksoi marrëdhëniet shumë të mira mes dy vendeve dhe mundësitë e thellimit të tyre nëpërmjet rritjes së shkëmbimeve tregtare dhe rritjes së bashkëpunimit ekonomik dhe investimeve, thuhet në një komunikatë për media.

Tutje Kurti kërkoi që Greqia t’u bashkohet shumicës së vendeve të Bashkimit Evropian dhe ta njohë pavarësinë e Kosovës.

Ambasadorja Vakali tha se është e nderuar për detyrën që ka marrë dhe se Greqia është mike e sinqertë dhe e fuqishme e Kosovës. Edhe pse ende nuk e njeh pavarësinë e Kosovës, Greqia ka arritur të zhvillojë marrëdhënie bilaterale pa kurrfarë problem, theksoi Vakali.

Ajo u shpreh e impresionuar me potencialin e madh që ka Kosova dhe mundësitë që ekzistojnë për bashkëpunimin bilateral. Ambasadorja e vlerësoi angazhimin e qeverisë për vlera demokratike dhe për rezultatet në luftimin e korrupsionit.

Kryeministri Kurti dhe ambasadorja Vakali u pajtuan që duhet të vazhdojnë projektet e përbashkëta në arsim e kulturë dhe në organizimin e radhës të forumit ekonomik.

Ndryshe Kurti këtë kërkesë ndaj Greqisë për njohjen e Pavarësisë së Kosovës,  e ka bërë edhe gjatë pjesëmarrjes në Forumin Ekonomik të Delfit.

Leave a Reply

Your email address will not be published.

You May Also Like

Sela në tubimin e VV-së në Prishtinë

Sonte Levizja Vetevendosje ne Prishtine ka mbajtur tubimin permbylles te saj ne…

Mbi 2.3 milionë të infektuar në botë/ Besueshmëria e medias në kohën e Covid-19

Edhe disa javë pas ndërprerjes së papritur të jetës prapë të shoqëron…

Dita e dytë e protestës para Ministrisë së Financave! Hotelierët kërkojnë ndihmë të njëhershme financiare

Dita e dytë e protestës së Odës turistike- hotelierike para Ministrisë së…

Remenski: Jam e pakënaqur me daljen në votime për kryetar të LSDM-së

Kandidatja për kryetare të LSDM-së, Frosina Remenski, mbrëmë pas përfundimit të votimit…

Qindra maqedonas para konsullatës në Manastir, kërkojnë pasaporta bullgare

Para konsullatës bullgare në Manastir, qindra qytetarë po presin në radhë për…