Kryeministri i Kosovës, Albin Kurti, i ka dërguar letër urimi Liz Truss, me rastin e emërimit si kryeministre e Mbretërisë së Bashkuar.

Ai ka shprehur mirënjohjen e Kosovës për mbështetjen e Mbretërisë së Bashkuar në luftën tonë çlirimtare kundër një regjimi gjenocidal dhe e ftoi Truss për vizitë në Kosovë, në mundësinë e parë të përshtatshme për të.

Letra e plotë e Kryeministrit Kurti:

E nderuara Kryeministre, 

Në emër të Republikës së Kosovës, ju uroj për zgjedhjen tuaj në krye të Partisë Konservatore dhe Unioniste dhe për emërimin tuaj nga Madhëria e Saj, Mbretëresha, si Kryeministre e Mbretërisë së Bashkuar.

Kontinenti ynë përballet me sfida të shumta që kërkojnë një përgjigje të koordinuar dhe unë ndihem i lehtësuar nga vizioni i qartë që e theksuat në dy takimet tona në fillim të këtij viti.

Ndërsa përballemi me pasojat e pandemisë Covid-19, krizën e energjisë dhe koston e rritur të jetesës, së bashku me autoritarizmin në rritje dhe agresionin e paprovokuar të Rusisë kundër Ukrainës, ne presim me padurim udhëheqjen tuaj për ta ndihmuar Evropën dhe pjesën tjetër të botës të navigojnë nëpër këto kohë të vështira. Ju lutem, të jeni e sigurt se, teksa e bëni këtë, mund të mbështeteni në partneritetin, bashkëpunimin dhe solidaritetin e Kosovës.

Mbretëria e Bashkuar zë një vend të veçantë në zemrat dhe mendjet e popullit të Kosovës, sepse ju na mbështetët në luftën tonë çlirimtare kundër një regjimi gjenocidal. Nuk do të harrojmë kurrë; dhe u jemi përgjithmonë mirënjohës.

Qeveria jonë po punon shumë për t’i realizuar premtimet e saj për vende pune dhe drejtësi për qytetarët tanë duke investuar në kapitalin njerëzor, duke mbyllur hendekun e aftësive përmes ringjalljes së cilësisë së arsimit tonë, dhe duke reformuar sistemin e drejtësisë.

Kryeministre, kam nderin të ju mirëpres në Kosovë në mundësinë e parë që është e përshtatshme për ju. Ju lutem, pranoni urimet e mia më të përzemërta dhe konsideratën time më të lartë ndërsa merrni këtë rol vendimtar në këto kohë sfiduese.

Leave a Reply

Your email address will not be published.

You May Also Like

LIBRI SHQIP NGA SHQIPËRIA DHE KOSOVA NUK MUND TË FUTET NË MAQEDONI. PO AI NGA SERBIA E BULLGARIA?

Shkrimtarit shqiptar nga Maqedonia e Veriut, Shkëlzen Halimi, mbrëmë paska përjetuar urrejtjen…

Nënpresidentja amerikane Harris kritikon ashpër metodat frikësuese të Kinës në Azi 

Nënpresidentja e Shteteve të Bashkuara Kamala Harris kritikoi ashpër politikën e jashtme…

Virusi Korona, regjistrohen 201 të infektuar

Regjistrohet edhe i prekuri i parë nga virusi korona në qytetin e…

Qeveria gjermane me paketë ndihme prej 200 miliardë eurosh për faturat e energjisë

Qeveria gjermane ka prezantuar planet për një paketë të re lehtësimi në…

Osmani ia dorëzon kopjen e dekoratës “Urdhri Hero i Kosovës” familjes së Agim Ramadanit

Presidentja e Kosovs, Vjosa Osmani ia ka dorëzuar kopjen e dekoratës “Urdhri…