Agjencia për Barazi Gjinore në bashkëpunim me Qendrën  Kosovare për Studime Gjinore  ka mbajtur takimin konsultativ të nivelit të lartë “Përgjigjet institucionale ndaj dhunës kundër grave në periudhën (post) COVID-19” me akterë institucionalë, ekspertë dhe përfaqësues nga shoqëria civile.

Ky takim u mbajt me qëllim të avancimit dhe koordinimit ndër-sektorialë në luftimin e dhunës me bazë gjinore ndaj grave në Kosovë, gjatë dhe pas pandemisë COVID-19.

Në këtë takim ka marrë pjesë, Kryeministri i Kosovës, Albin Kurti, Ministrja e Drejtësisë, Albulena Haxhiu si dhe përfaqësues nga institucione dhe organizata të tjera në vend.

Në hapje të ngjarjes, Edi Gusia, Kryeshefe Ekzekutive në Agjencinë për Barazi Gjinore, tregoi se kanë mbështetur 24 organizata të grave në vlerë prej 630 mijë euro.

“Janë organizata të cilat zbatojnë iniciativa në fushën e përmirësimit të mundësive të punësimit të grave përmes skemave të mbështetjes së biznesit. Po ashtu kemi mbështetur edhe 270 biznese të vogla të grave. ABGJ mirëpret thellimin dhe bashkëpunimin me organizata e grave”, tha Gusia.

Ndërsa, Luljeta Demolli, Drejtore ekzekutive në Qendrën Kosovare për Studime Gjinore, ka thënë se dhuna ndaj grave dhe vajzave është manifestim i pabarazisë gjinore.

“Ne kemi nevojë për më shumë gra police, prokurore dhe gjyqtare, sepse e dimë që gratë të cilat shërbejnë në vijën e parë të drejtësisë e forcojnë drejtësinë për gratë. Ne e mbështesim fuqizimin e mirëfilltë ekonomik si një ndër strategjitë më efikase parandaluese”, është shprehur Demolli.

Duke folur për dhunën ndaj grave dhe vajzave, kryeministri Albin Kurti tha se nuk kemi jetë grash e vajzash për të humbur.

“Pabarazitë, padrejtësitë e paragjykimet duhet t’i luftojmë bashkë, prandaj na nevojitet angazhim maksimal, bashkim i forcave të organeve shtetërore, dhe prioritizim i rasteve të dhunës në familje, ashtu që të kemi rezultat të suksesshëm”, tha Kurti.

Ministrja e Drejtësisë, Albulena Haxhiu, ka theksuar se nga janari i vitit 2021 deri në tetor janë rreth dy mijë raste të raportuara të dhunës në familje.

“Jemi duke punuar si qeveri për hapjen e vendeve të reja të punës. 14 përqind e grave janë të përfshira në tregun e punës dhe këtu bëhet fjalë për përjashtim, jo për mospërfshirje. Kundër dhunës në familje duhet të flasim fuqishëm sepse Kosova po kanoset prej kësaj”, ka thënë Haxhiu.

Leave a Reply

Your email address will not be published.

You May Also Like

Ambasadori rus në Britani: Rusia nuk do të përdorë armë bërthamore taktike në Ukrainë

Ambasadori rus në Britani tha për BBC se nuk beson se vendi…

Pentagoni po ndjek raketën kineze që po kthehet në tokë – me shpejtësi 300 mijë km/h – në mënyrë të pakontrolluar

Pentagoni ka thënë se po ndjek një pjesë të një rakete kineze…

KSI: Të mbeten në fuqi masat kufizuese

Përkundër faktit se është zvogëluar numri i pacientëve të ri që janë…

Ruskovka nuk beson se Mijallkov ka qenë i sëmurë

Prokurorja Villma Ruskovska para pak çastesh deklaroi se nuk beson ish-shefi i…

Filipçe pret deri në 2.500 të infektuar, apelon që qytetarët seriozisht t’u përmbahen masave mbrojtëse

Rreth 2.000 – 2.500 të infektuar pret numri një i Shëndetësisë, Venko…