Qasja mikpritëse e refugjatëve ukrainas është krejtësisht ndryshe me mënyrën si janë trajtuar refugjatët nga Lindja e Mesme, të drejtat e të cilëve injorohen kur ata të hyjnë në Lituani, përmes Bjellorusisë, ka thënë organizata ndërkombëtare për të drejtat e njeriut, Amnesty International.

Refugjatët nga shtetet sikurse Iraku dhe Siria përballen me trajtim jonjerëzor, abuzime dhe dëbime ilegale, ka thënë organizata, duke cituar një sondazh të realizuar me migrantë nga dy qendra lituaneze ndalimi.

Amnesty ka akuzuar po ashtu Bashkimin Evropian për injorim të situatës në këtë vend anëtar.

“Autoritetet lituaneze kanë mbajtur mijëra persona, për muaj të tërë, në qendra ndalimi, nën kontroll ushtarak, dhe aty janë përballur me torturë dhe abuzime tjera”, është thënë në raportin e organizatës.

“Atyre është duke iu mohuar qasja në procedura të azilit, në mënyrë që ata të kthehen ‘vullnetarisht’ në shtetet prej të cilave kanë ikur”.

Lituania, ashtu sikurse autoritetet evropiane, kanë akuzuar liderin autoritar bjellorus, Aleksandr Lukashenka, që me qëllim ka bartur migrantë nga Lindja e Mesme, drejt kufijve me vendet anëtare të bllokut evropian.

REL shkruan se kriza kufitare pati arritur pikun në fund të verës vitin e kaluar, pasi mijëra migrantë kanë tentuar të depërtojnë në BE.

Leave a Reply

Your email address will not be published.

You May Also Like

Mbi 5.500 raste aktive me virus

Në Maqedonia aktualisht ka 5.522 raste aktive me coronavirus, ku shumica e…

Rusia po përdor mercenarët për të përforcuar vijat e frontit në Ukrainë, thotë Britania e Madhe

Inteligjenca ushtarake britanike tha të hënën se Rusia ka përdorur kontraktorin ushtarak…

Pandemia/ Mbi 155 milionë të shëruar nga COVID-19 në të gjithë botën

Numri i personave që janë shëruar pas infektimit me koronavirusin e ri…

Kolonët hebrenj që erdhën në lagjen Sheikh Jarrah në Kuds u larguan me ardhjen e palestinezëve

Sipas informacionit të marrë nga AA në rajon, nga altoparlantët e një…