Rrjedhja në rrjetet sociale e dokumenteve sekrete të Shteteve të Bashkuara të Amerikës për luftën në Ukrainë, ishte tema kryesore e mediave botërore për javën që lamë pas, duke detyruar autoritetet amerikane të hapin një hetim të gjerë për mënyrën sesi ato dolën.

Përmbajtja e tyre ishte tepër sensitive dhe zbuloi edhe njëherë aftësinë dhe shpërndarjen e rrjetit të spiunazhit të Amerikës në mbarë botën, duke treguar detaje se si SHBA vijon të infiltrojë agjentët e saj në vendet aleate.

Sipas Wall Street Journal, dokumentet, mes të tjerash, japin një pamje të qartë të kapacitetit ushtarak të shkatërruar të Kremlinit, si dhe në çfarë mase taktikat e spiunazhit të SHBA kanë depërtuar në makinën e luftës të Vladimir Putin madje dhe në rrethin e tij të ngushtë.

Koreja e Jugut, Izraeli, Ukraina dhe Mbretëria e Bashkuar janë ndër aleatët që thuhet se SHBA-të po i mbajnë gjithashtu nën survejim.

Megjithatë, ekspertët i frikësohen idesë se inteligjenca ruse tashmë ka të dhëna të qarta se çfarë di SHBA, duke pasur mundësi për të ndërprerë burimet e informacionit.

Zyrtarët i thanë gazetës se Pentagoni ka nisur një operacion të shpejtë për të bllokuar dokumentet e ndjeshme dhe ka paralajmëruar sanksione për këdo që i shpërndan ato në rrjetet sociale.

Megjithatë, skandali tashmë po përmendet si një nga shkeljet më të dëmshme të sigurisë kombëtare që mund të ketë implikime të mëtejshme në legjitimitetin e spiunazhit të SHBA në të ardhmen.

Sipas gazetës, një zyrtar i lartë i inteligjencës perëndimore tha se publikimi i këtyre dokumenteve mund të frenojë ndarjen e informacioneve të rëndësishme midis agjencive inteligjente, pasi besimi mbi bashkëpunimet e informacionit sekret mund të humbasë. /A2CNN

Leave a Reply

Your email address will not be published. Required fields are marked *

You May Also Like

Inteligjenca ukrainase: 326 mijë rusë po luftojnë në Ukrainë

Kyrylo Budanov, shefi i inteligjencës së mbrojtjes ukrainase, ka deklaruar se rreth…

16 mijë punëtorë pa paga, 7 mijë në pushim të detyruar! Qeveria nuk ka plan B

Qeveria nuk ka një plan B për të shpëtuar qytetarët, të cilët…

Rumania dëshiron të blejë 18 fluturake turke Bayraktar TB2 për 300 milionë dollarë

Rumania dëshiron të blejë mjete ajrore luftarake pa pilot Bayraktar TB2 (UCAV)…

Osmani për mediat irlandeze: Serbia duhet të përgjigjet për gjenocidin ndaj shqiptarëve

Kosova synon të padisë Serbinë për gjenocid dhe dëshiron që udhëheqësit e…

Stano: Nesër bisedohet mbi hapat e parë për implementimin e marrëveshjes Kosovë-Serbi

Nesër në Bruksel do të mbahet takimi në mes të kryenegociatorit të…