Ishin ndjekur për disa muaj, kurse dje MPB-ja në bashkëpunim me Shërbimin amerikan anti-drogë, arriti të kapë një narko-vargan.

“Në aksin rrugor Prilep-Rosoman afër fshatit Raec, është ndaluar një Audi A8 me targa të Shkupit në të cilin ishin të denoncuarit K.S. dhe M.Z. Menjëherë pas kësaj, është ndaluar edhe një automjet tjetër “Daçia daster” me targa të Shkupit, i cili ishte drejtuar nga personi A.U, kurse bashkë-udhëtari ishte G.K. Pas tyre vinte edhe një “furgon”, në të cilin kishte sasi të madhe të drogës të paketuar në 40 kuti kartoni në të cilat kishte 400 pako polietileni me drogë”, deklaroi Suzana Pranjiq Talevska, zëdhënëse e MPB-së.

Gjithsej 200 kilogram në vlerë prej 800.000 eurove. Janë kryer kontrolle në dy fabrika për prodhim të kanabisit mjekësor në Prilep dhe Manastir, të cilat, sipas MPB-së janë lidhur me të dyshuarin e dytë, Aleksandar Ushilikovskin. Siç mësojmë, marihuana është marrë pikërisht nga këto dy fabrika dhe duhej të kontrabandohej, pastaj të shitet në fshatin Radobil dhe të përfundojë në narko-tregun e Greqisë.

Është arrestuar edhe kryeshefi i Stacionit Policor të Prilepit, Kire Spirkovski, i cili ishte në makinën e parë të narko-varganit, e i cili ka qenë në rol të “pastruesit” që të mos zbulohet dërgesa.

Është arrestuar edhe një banor i Gjevgjelisë, i cili sipas policisë ishte organizator i grupit. Nga liria janë privuar edhe disa persona nga Manastiri, Kumanova dhe Strumica, kurse gjatë bastisjeve janë gjetur armë, municion dhe të holla të cilat vinin nga një aparat për tërheqje parash (ATM) i cili ishte vjedhur.

Të gjithë 6 personat janë nxjerrë para gjykatësit të procedurës paraprake./TV21

Leave a Reply

Your email address will not be published. Required fields are marked *

You May Also Like

“Mosparaqitja e Ahmetit dhe Grubit si dëshmitarë, vulosi dënimet e përjetshme për herë të dytë”

Gjykata e Apelit në Shkup sot ka konfirmuar vendimin e Gjykatës Themelore…

Bugajski: Nëse rishikohen territoret në Kosovë, shqiptarët e Maqedonisë mund të kërkojnë bashkim me Shqipërinë

Ndërsa pandemia e koronavirusit shqetëson Uashingtonin, administrata e Trump pa dashje po…

Kurti i publikon me emra e foto: Vrasja e Aganit u urdhërua nga këta dy persona

Faton Kurti, kryetar i Republikanëve të Kosovës, ka thënë se vrasja e…

Hallaçi: Kërkoj zbardhjen e rastit të Kumanovës

Ju bejë Apel te gjithë Shqiptarve mbarë kombëtarë për hirë se vertetës…

Avokatja e Grupit të Kumanovës: Qeveria e Albin Kurtit do t’i lirojë djemtë tanë!

Kërkesa për hetim ndërkombëtar të rastit të Lagjes së Trimave të Kumanovës…