Komisioni Evropian tani për tani përmbahet nga komentet për rastin “Reket” dhe vendimin e djeshëm për arrestimin e prokurores speciale publike Katica Janeva, porositën shërbimet e zëdhënësve të KE-së për MIIA-n.

Megjithatë, nga Komisioni Evropian theksojnë se nga autoritetet e Maqedonisë së Veriut pritet hetim thelbësor.

“Nuk komentojmë hetime të tilla, BE-ja përkujton se është me rëndësi të vazhdojë lufta me korrupsionin nga niveli i lartë dhe të vendoset përgjegjësi ligjore për çdo krim”, qëndron në përgjigjen e shkurtër të Komisionit Evropian deri tek MEDIAL.

Burime në Komisionin Evropian, i cili luan rol të rëndësishëm në formimin e PSP-së gjatë negociatave në Përzhinë, thonë se nga afër vëzhgohen ngjarjet në Maqedoninë e Veriut rreth rastit “Reket” dhe se tani për tani në KE nuk ka pasqyrë të qartë për atë çka saktë po ndodh.

“Situata është shumë e ndërlikuar dhe presim të marrim pasqyrë të qartë dhe më shumë informacione që të mund eventualisht të komentojmë”, thonë diplomatët në Bruksel.

Puna e PSP-së, lufta kundër korrupsionit dhe krimit të organizuar janë ndër kushtet kyçe për marrjen e datë për negociata në muajin tetor, datë e cila deri më tani dy herë është shtyrë.

Në Bruksel askush nuk dëshiron të spekulojë nëse dhe si do të reflektojnë ngjarjet e fundit ndaj vendimit për ndarjen e datës për negociata, por vlerësimi është se nëse pushteti dhe opozita në Maqedoni të Veriut tregojnë vendosmëri që të përballen me korrupsionin dhe të gjejnë zgjidhje të përhershme dhe bindëse të ndërsjellë, data ende është e mundshme për vendin në tetor, komentojnë diplomatët në Bruksel.

Leave a Reply

Your email address will not be published.

You May Also Like

Abazoviç uron Kosovën për ditën e Pavarësisë si zv.kryeministër i Malit të Zi! “Tërbim mediatik” në Beograd

Zv.kryeministri malazes Dritan Abazoviç  ka uruar Kosovën për ditën e Pavarësisë, duke…

Çekia po bëhet gati për festivalin e filmit

Një nga ngjarjet kryesore kinematografike në Europën qëndrore dhe lindore Festivali i…

Bundestagu voton për dërgimin e armëve të rënda në Ukrainë

Kancelari gjerman Olaf Scholz është kritikuar ashpër për mungesën e tij në…

Kinë / Tornado i merr jetën të paktën 6 personave, 200 të plagosur

Të paktën 6 persona janë vrarë dhe më shumë se 200 janë…

FOTOLAJM/ Valixhja plot dokumente në makinën luksoze të Xhuvanit

Drejtuesi Politik i Partisë Demokratike në qarkun e Elbasanit, Gazmend Bardhi, ka…