Ashtu siç tashmë është bërë zakon, Qeveria e Kosovës dhe ajo e Shqipërisë në një të ardhme të afërt do të kenë një mbledhje të përbashkët.

Se një e tillë do të mbahet në Shkodër e konfirmuan sot edhe dy ministrat e Jashtëm të Kosovës e Shqipërisë, Gent Cakaj dhe Glauk Konjufca.

Ata në një konferencë për media u shprehën të bindur se mbledhja e përbashkët do të sjellë marrëveshje konkrete mes dy vendeve.

E Cakaj ka treguar për marrëveshjet të cilat ai ka propozuar që të nënshkruhen.

Ministri i Jashtëm shqipta ka thënë se është kërkuar firmosja e një marrëveshjeje për ndarjen e shpenzimeve dhe detyrave për lobimin e Kosovës.

Sipas tij, Shqipëria ka qenë gjithnjë e gatshme që të ndihmojë Kosovën në këtë drejtim.

“Për mbledhjen e përbaëshkët kam propozuar dy marrëveshje. E para është që të firmosim një marrëveshje për ndarjen e shpenzimeve dhe detyrave për lobimin e Kosovës. Ne kemi theksuar gjithmonë gatishmërinë tonë, dhe kemi ngritur zërin për qasjen e padrejtë të BE-së karshi Kosovës”, tha Cakaj.

Ndërkaq marrëveshja e dytë është ajo për transmetimin e përvoja në procesin e ashtuquajtur të skriningut,  që ka të bëjë me hapjen e negociatave për anëtarësim në BE.

Duke konsideruar se Shqipëria  gjendet në një fazë më të avancuar në këtë proces, Cakaj shprehu gatishmërinë e Shqipërisë për ta ndihmuar Kosovën në këtë proces.

“Marrëveshja e dytë është marrëveshja për transmetimin e përvojave në procesin e skriningut. Ne kemi kryer ushtrimin e krahasimit të legjislacionit vendor me atë evropian. Ne jemi të gatshëm që përvojën tonë ta transmetojmë tek pala kosovare”, tha Cakaj.

Ndërkohë, ministri i Jashtëm kosovar, Glauk Konjufca theksoi  se Kosova dhe Shqipëria, përveç angazhimit të tyre në arritjen e këtyre marrëveshjeve, duhet të angazhohen edhe për konkretizimin e tyre.

Leave a Reply

Your email address will not be published. Required fields are marked *

You May Also Like

“Mosparaqitja e Ahmetit dhe Grubit si dëshmitarë, vulosi dënimet e përjetshme për herë të dytë”

Gjykata e Apelit në Shkup sot ka konfirmuar vendimin e Gjykatës Themelore…

Bugajski: Nëse rishikohen territoret në Kosovë, shqiptarët e Maqedonisë mund të kërkojnë bashkim me Shqipërinë

Ndërsa pandemia e koronavirusit shqetëson Uashingtonin, administrata e Trump pa dashje po…

Kurti i publikon me emra e foto: Vrasja e Aganit u urdhërua nga këta dy persona

Faton Kurti, kryetar i Republikanëve të Kosovës, ka thënë se vrasja e…

Hallaçi: Kërkoj zbardhjen e rastit të Kumanovës

Ju bejë Apel te gjithë Shqiptarve mbarë kombëtarë për hirë se vertetës…

Avokatja e Grupit të Kumanovës: Qeveria e Albin Kurtit do t’i lirojë djemtë tanë!

Kërkesa për hetim ndërkombëtar të rastit të Lagjes së Trimave të Kumanovës…