Mëngjesin e së mërkurës, nga Aeroporti i Cyrihut një aeroplan do të nisej për në Prishtinë.

Aeroplani do të fluturonte në 5: 45 në mëngjes, por, për shkak të temperaturave të ulëta, duhej të bëhej shkrirja së pari. Pastaj, siç shkruan gazeta zvicerane “Blick”, horrori filloi.

“Dyert u hapën dhe tymi nisi të hynte brenda”, ka thënë një lexues i “Blick”.

Sipas përshkrimit të tij, njoftimet që vinin nga ekuipazhi ishin të paqarta. Fillimisht i kanë kërkuar udhëtarëve të dalin nga aeroplani, pastaj, papritmas i kanë mbyllur dyert dhe u kanë kërkuar të qëndrojnë në vend.

“Njerëzit pastaj filluan t’i thyejnë dyert vetë”, thotë një pasagjer.

Edhe pse kompania e fluturimit ka thënë se nuk ishte tym, për pasagjerët ishte kthyer në një situatë delikate e gjithë ajo.

Më pas, udhëtarët janë kthyer në terminalin e aeroportit dhe fluturimi për në Prishtinë është anuluar.

Por, kaosi ka vazhduar edhe në aeroport, pasi nuk është ditur se cka do të bëhet me udhëtarët që kishin prerë biletat për në Prishtinë. Kompania e fluturimeve, udhëtimin e radhës në këtë destinacion e ka të enjten.

Kompania e fluturimit ka shpjeguar se cka ka ndodhur mëngjesin e sotëm në avion, duke thënë se nuk ishte një situatë e rrezikshme për paragjerët.

“Sot në mëngjes, gjatë shkrirjes për fluturimin GM 600 nga Cyrihu në Prishtinë, mbetjet e lëngut të shkrirjes në formën e avujve hynë në avion nëpërmjet sistemit të ventilimit.”

Leave a Reply

Your email address will not be published. Required fields are marked *

You May Also Like

Britania pritet të jetë vendi i parë në botë që do ta mposhtë COVID-in me vaksina?!

Britania do të jetë vendi i parë në botë që do të…

Trajanov: Nëse bëhen 60 deputet për zgjedhje në Maj, unë do jem i 61

Në intervistën për numrin e ri të të përjavshmes “Fokus”, kryetari i…

Blinken thotë se SHBA po ndan me Ukrainën të gjitha informacionet mbi incidentin raketor të Polonisë

Sekretari amerikan i Shtetit, Antony Blinken tha të enjten se Shtetet e…

Pasi u godit nga vetura, vdes këmbësorja!

Ministria e Punëve të Brendshme ka njoftuar se një këmbësore ka ndërruar…