Këto pamje janë një arsye për t’u frikësuar për më të keqen: trupat ruse po marshojnë pa ndalim drejt Kievit.

Pamjet satelitore tregojnë një autokolonë gjigante ushtarake ruse në veri të kryeqytetit ukrainas.

Kolona është rreth 64 kilometra e gjatë dhe dukshëm më e madhe se sa u raportua në fillim, kur u tha se ishte 27 kilometra.

Karvani përbëhet nga mjete të blinduara dhe makina të tjera ushtarake dhe shtrihet nga aeroporti i Hostomelit në veriperëndim të Kievit deri në fshatin Pribirsk, që ndodhet mes Kievit dhe Çernobilit.

Sipas disa përllogaritjeve në qarqet amerikane të mbrojtjes, ushtria ruse sërish kërkon të marrë nën kontroll Kievin, pavarësisht rezistencës së fortë ukrainase. Një zyrtar i lartë i Pentagonit tha për CNBC se të gjithë provat flasin për këtë. “Ne supozojmë se ata do të vazhdojnë të lëvizin dhe do e rrethojnë kryeqytetin në ditët në vijim”.

Por përse nuk e sulmon Ukraina auto-kolonën?

Përgjigja është e thjeshtë: Kievi po lufton tashmë me pushtuesit e Putinit në disa fronte- kështu që nuk ka burimet (d.m.th kapacitetet dhe armët) për të hapur një front tjetër.

Reporteri i BILD, Julian Roepcke tha të martën në mëngjes: “Nuk mund të jesh kudo në të njëjtën kohë. Ata po përpiqen që të mbrojnë infrastrukturën kyçe, për shembull Kievin po Karkivin. Por nuk mund të sulmosh njëkohësisht 10, 20 apo 30 kilometra prapa frontit”.

Me një gjuhë të thjeshtë: kjo do të thotë se në luftën kundër despotit të Kremlinit, Ukraina duhet të reagojë ndaj pikave të nxehta- aty ku gjërat bëhen vërtet kritike.

Këtu aktualisht përfshihet edhe Makarivi në perëndim të kryeqytetit. Pasi rusët e pushtuan atë për të shkëputur Kievin nga Perëndimi (këtu kalon autostrada drejt Lvivit dhe Polonisë_, Ukraina nisi një kundërofensivë dhe rimori nën kontroll këtë zonë.

Leave a Reply

Your email address will not be published.

You May Also Like

Çfarë arriti Angela Merkel në Ballkanin Perëndimor?

Kancelarja gjermane në largim viziton edhe njëherë Ballkanin Perëndimor. Problemet e komplikuara…

Osmani: 6.000 shqiptarëve në Serbi iu mohua e drejta për të votuar – të reagojë komuniteti ndërkombëtarë

Ka përfunduar procesi i votimit për zgjedhjet parlamentare dhe presidenciale në Serbi.…

Talibanët rrethojnë tre qytete kryesore në Afganistan

Luftimet po ndizen rreth tre qyteteve të mëdha në Afganistanin jugor dhe…

Alarmon zëvendëskryeministrja ukrainase: Situata në Mariul është “katastrofike”

Autoritetet në Ukrainë kanë bërë të ditur se kanë arritur të evakuojnë…

Takim liderësh pa shqiptarë

Takimi i sotëm mes kryeministri Zoran Zaev dhe liderit të VMRO-DPMNE-së, Hristijan…