Ushtria izraelite e sulmon Gazën, të cilën e mban nën bllokadë prej vitesh, me bombardime intensive nga toka me artileri, ajri dhe deti.

Objektiva të ndryshme në lagjet veriore dhe veriperëndimore të Gazës forcat izraelite i kanë bombarduar intensivisht dhe njëkohësisht nga toka (me artileri), ajri dhe deti.

Pjesa veriore e qytetit ka mbetur në errësirë për shkak të ndërprerjes së furnizimit me energji elektrike si pasojë e bombardimeve izraelite. Në zonë janë parë flakë të mëdha.

Në zonë u dërguan ambulanca dhe ekipe të mbrojtjes civile. Nga Ministria e Shëndetësisë në Gazë nuk është bërë ende ndonjë deklaratë lidhur me sulmin.

Pasi bombarduan intensivisht pjesën veriore të Rripit të Gazës, pas një qetësie 2-orëshe avionët izraelitë kanë vazhduar të bombardojnë sërish lagje të ndryshme të Gazës.

Ndërkaq zyra e zëdhënësit të ushtrisë izraelite i është shmangur rikonfirmimit të deklaratës së parë “Ushtarët izraelitë hynë në Gazë” dhe ka përdorur shprehjen: “Nuk mund ta konfirmojmë se kanë hyrë apo jo ushtarët”.

Zëdhënësi i Ushtrisë së Izraelit, Jonathan Conricust në deklaratën e tij të parë për agjencinë turke të lajmeve “AA” kishte thënë se ushtria izraelite kishte filluar “operacionin tokësor” në Rripin e Gazës.

Kurse në deklaratën e dytë të bërë nga zyra e zëdhënësit u bë ky sqarim: “Bëhet fjalë për një keqkuptim që ka ndodhur për shkak të gabimit në përkthim, operacioni tokësor nuk ka filluar ende”.

Në sulmet që Izraeli ka ndërmarrë që nga 10 maji e deri më tani në Rripin e Gazës janë martirizuar 119 persona, përfshirë 28 fëmijë dhe 15 gra, ndërsa janë plagosur 621 të tjerë.

Kurse 139 persona të tjerë janë plagosur nga ndërhyrjet e ushtarëve izraelitë me plumba të vërtetë dhe plastikë ndaj protestave që janë mbajtur në Jerusalem dhe në Bregun Perëndimor të okupuar me qëllim për të mbështetur Rripin e Gazës.

Leave a Reply

Your email address will not be published. Required fields are marked *

You May Also Like

“Mosparaqitja e Ahmetit dhe Grubit si dëshmitarë, vulosi dënimet e përjetshme për herë të dytë”

Gjykata e Apelit në Shkup sot ka konfirmuar vendimin e Gjykatës Themelore…

Bugajski: Nëse rishikohen territoret në Kosovë, shqiptarët e Maqedonisë mund të kërkojnë bashkim me Shqipërinë

Ndërsa pandemia e koronavirusit shqetëson Uashingtonin, administrata e Trump pa dashje po…

Kurti i publikon me emra e foto: Vrasja e Aganit u urdhërua nga këta dy persona

Faton Kurti, kryetar i Republikanëve të Kosovës, ka thënë se vrasja e…

Hallaçi: Kërkoj zbardhjen e rastit të Kumanovës

Ju bejë Apel te gjithë Shqiptarve mbarë kombëtarë për hirë se vertetës…

Avokatja e Grupit të Kumanovës: Qeveria e Albin Kurtit do t’i lirojë djemtë tanë!

Kërkesa për hetim ndërkombëtar të rastit të Lagjes së Trimave të Kumanovës…