Rikthimi eventual i Kuvendit rihap diskutimet për datën e mundshme të zgjedhjeve të parakohshme parlamentare. Jozyrtarisht përfliten dy data të mundshme, 21 ose 28 qershori, edhe pse asnjëra nga partitë nuk pranon zyrtarisht që këto tema të jenë diskutuar mes tyre. LSDM-ja thotë se është akoma herët të flitet për datën e zgjedhjeve.

LSDM

“Vlerësojmë se është herët të flitet për datë të re për mbajtjen e zgjedhjeve parlamentare sepse në këtë moment, më e rëndësishme është që përqendrimi të jetë te lufta me virusin korona dhe te menaxhimi me pasojat që sjell kjo krizë ekonomike dhe shëndetësore.”

Por, VMRO-DPMNE-ja vlerëson se kjo temë imponohet nga LSDM-ja dhe e konsiderojnë atë si sjellje jonjerëzore.

Mendoj se është e pështirë, jonjerëzore, në kushte kur çdo ditë ka të sëmurë nga virusi korona, në kushte kur çdo ditë, mijëra persona humbin vendin e punës, në kushte kur për fat të keq, fëmijët humbin më të afërmit e tyre si pasojë e virusit korona, cilido, të flasë për datë zgjedhjesh. Është e turpshme dhe na ka ardhur te hunda me këtë sjellje të LSDM-së. Është sjellje jonjerëzore e LSDM-së-deklaroi Aleksandër Nikollovski, nënkryetar i VMRO-DPMNE-së.

BDI-ja kujton se dekreti për ndërprerjen e procesit të nisur zgjedhor parashikonte që zgjedhjet të mbahen 20 ditë pas ndërprerjes së gjendjes së jashtëzakonshme. Ata besojnë se Presidenti do ta ketë parasysh këtë përpara se të shfuqizojë gjendjen e jashtëzakonshme.

 BDI

“Sipas dekretit ligjor me të cilin ndërpremë procesin zgjedhor parashihet që dita e zgjedhjeve të jetë rreth 20 ditë pas ditës së fundit të gjendjes së jashtëzakonshme. Ashtu që fati i zgjedhjeve është në duart e Presidentit. Kur do që ai të ndërpresë gjendjen e jashtëzakonshme, atëherë rinisin afatet zgjedhore aty ku u ndërprenë ditën qe u vendos gjendja e jashtëzakonshme. Ne mendojmë që dy faktorë do e përcaktojnë vendimin e Presidentit; situata me pandeminë e me pas konsensusi i liderëve partiak.”

Për Aleancën për Shqiptarët, prioritet është shëndeti i qytetarëve dhe mendojnë se periudha më e mirë për zgjedhje është gjysma e dytë e korrikut. Ata thonë se duhet të sigurohet vëzhgim nga misionet ndërkombëtare për monitorimin e zgjedhjeve.

Mendojmë se koha më e përshtatshme për mbajtjen e zgjedhjeve do të jetë pjesa e dytë e muajit korrik dhe kjo për disa arsye. Arsyeja kryesore është se sipas prononcimit të shumë epidemiologëve, virologëve dhe të shumë konstatimeve shkencore është që virulenca e virusit në temperatura të larta zvogëlohet ndjeshëm. Faktori i dytë, do të duhet të krijohen kushte që OSBE dhe ODIHR të jenë pjesëmarrës në monitorimin e zgjedhjeve- deklaroi Elmi Aziri, nënkryetar i Aleancës për Shqiptarët  

Përpara ndërprerjes së procesit zgjedhor, KSHZ-ja kishte verifikuar listat e kandidatëve për deputetë. Për partitë, kjo është punë e kryer. Kurdo që të jetë data e ardhshme e zgjedhjeve, do të garohet me listat tashmë të verifikuara./Alsat/

Leave a Reply

Your email address will not be published. Required fields are marked *

You May Also Like

Muhamedi: Bombat, me rëndësi për rastin “Monstra”, “Lagja e Trimave” dhe “Harun Aliu”

Analisiti Nijazi Muhamedi në një deklaratë për Alsat, tha se bisedat e…

Grupi i Kumanovës ngre në këmbë MPB-në e Maqedonisë së Veriut

Pjesëtarët e “Grupit të Kumanovës” të cilët janë të dënuar për ngjarjet…

Ekskluzive: Paraqiten rezultatet e hetimeve ndërkombëtare për rastin te Liqeni i Smilkovës

Momente të reja janë paraqitur në hetimet e pavarura ku janë kyçur…

Nëna e El Chekës: Më therrën me thikë dhe grisën foton e Almirit (VIDEO)

Para fillimit te protestave kunder BDI-se ne Shkup, ka ndodhur disa incidente…

Afrim Gashi: Do të angazhohemi për rroga më të larta në arsim dhe pushim pranveror për nxënësit

Kryetari i AlternAtivA-s, Afrim Gashi, fushatën parazgjedhore për zgjedhjet e 15 korrikut…