Kryeministri i Kosovës, Avdullah Hoti ka paralajmëruar se shpejt do të organizohet një tryezë me partitë politike për të gjetur një zgjidhje për presidentin e vendit. Ai tha se do të pranojnë çdo vendim të Gjykatës Kushtetuese lidhur me votën kontestuese të deputetit Etem Arifi.

Këto komente kreu i ekzekutivit i bëri pas nënshkrimit të panos për zotim për gjithëpërfshirje e cila u vendos në oborrin e Kuvendit të Kosovës.

“Do të ndjekim vetëm një zgjidhje kushtetuese. Unë besoj që shpejt do të organizohet tryeza e partive politike për të parë disponimin e partive politike nëse ka disponim që të diskutohet për të gjetur një zgjidhje për presidentin e vendit”, tha ai.

Përderisa, kryetari i Aleancës për Ardhmërinë e Kosovës, Ramush Haradinaj ka shpallur kandidaturën për president dhe Partia Demokratike e Kosovës po insiston që ky post t’iu takojë atyre, shefi i qeverisë ka thënë se të gjitha do të diskutohen në këtë tryezë.

“Nuk jemi ulur në tryezën e partive politike për të parë së pari a ka vullnet të zgjidhet një president dhe nëse ka vullnet, cilat janë propozimet e partive politike. E dimë propozimin e AAK-së tash po duket edhe të PDK-së besoj në ditët e ardhshme do të organizohet kjo tryezë ta shohim se si mund të shkojmë… Është vështirë të them se vetëm në tryezë mund t’i gjejmë ato zgjidhje, besoj që në ditët e ardhshme mund ta dimë“, tha Hoti.

Kreu i ekzekutivit të vendit ka deklaruar se do të respektohet cilido vendim i Gjykatës Kushtetuese lidhur me votën e deputetit Etem Arifi dhe procesin e votimit të qeverisë në krye të së cilës është.

“Çdo vendim që del nga ajo gjykatë ne do ta pranojmë dhe do të sillemi në përputhje me atë vendim”, tha ai.

Kujtojmë që gjatë të djeshme, Gjykata Kushtetuese ka mbajtur seancën dëgjimore për shqyrtimin e kërkesës së Lëvizjes Vetëvendosje ku e ka kontestuar votën e deputeti Etem Arifi në zgjedhjen e Qeverisë së kryeministrit Avdullah Hoti.

Leave a Reply

Your email address will not be published. Required fields are marked *

You May Also Like

“Mosparaqitja e Ahmetit dhe Grubit si dëshmitarë, vulosi dënimet e përjetshme për herë të dytë”

Gjykata e Apelit në Shkup sot ka konfirmuar vendimin e Gjykatës Themelore…

Bugajski: Nëse rishikohen territoret në Kosovë, shqiptarët e Maqedonisë mund të kërkojnë bashkim me Shqipërinë

Ndërsa pandemia e koronavirusit shqetëson Uashingtonin, administrata e Trump pa dashje po…

Kurti i publikon me emra e foto: Vrasja e Aganit u urdhërua nga këta dy persona

Faton Kurti, kryetar i Republikanëve të Kosovës, ka thënë se vrasja e…

Hallaçi: Kërkoj zbardhjen e rastit të Kumanovës

Ju bejë Apel te gjithë Shqiptarve mbarë kombëtarë për hirë se vertetës…

Avokatja e Grupit të Kumanovës: Qeveria e Albin Kurtit do t’i lirojë djemtë tanë!

Kërkesa për hetim ndërkombëtar të rastit të Lagjes së Trimave të Kumanovës…