Mbrojtja e ish-Presidentit Hashim Thaçi i është bashkuar referimeve kushtetuese të mbrojtjes së Jakup Krasniqit dhe Kadri Veselit, të drejtuara në Dhomën e Specializuar të Gjykatës Kushtetuese.

Kjo është bërë e ditur përmes parashtresave të mbrojtjes së tij drejtuar gjykatës.

Ndryshe, mbrojtja e Jakup Krasniqit, i është drejtuar Dhomës së Specializuar të Gjykatës Kushtetuese me pretendimin se Zyra e Prokurorit të Specializuar (ZPS), i ka shkelur Krasniqit të drejtat individuale të garantuara me Kushtetutë, duke e akuzuar për format bazë dhe të zgjeruara të ndërmarrjes së përbashkët kriminale (NPK).

Ndërkaq, mbrojtja e Kadri Veselit i ka kërkuar Dhomës Kushtetuese referim lidhur me kundërshtimin e juridiksionit të Dhomave të Specializuara të Kosovës (DHSK).

Ndryshe, më 9 nëntor të vitit të kaluar, në paraqitjet e tyre të para, Jakup Krasniqi e Hashim Thaçi janë deklaruar të pafajshëm për akuzat që u vihen në barrë.

Njëjtë është deklaruar edhe Veseli në paraqitjen e tij më 10 nëntor, sikurse edhe Selimi më 11 nëntor.

Aktakuza ndaj Hashim Thaçit, Kadri Veselit, Rexhep Selimit dhe Jakup Krasniqit është konfirmuar më 26 tetor 2020.

Sipas akuzës, së paku midis marsit 1998 deri në shtator 1999, Hashim Thaçi, Kadri Veseli, Rexhep Selimi, Jakup Krasniqi dhe anëtarë të tjerë të ndërmarrjes kriminale të përbashkët kishin qëllimin e përbashkët për të siguruar dhe ushtruar kontroll mbi të gjithë Kosovën përmes metodave që përfshinin frikësimin, keqtrajtimin, ushtrimin e dhunës dhe eliminimin e paligjshëm të atyre që konsideroheshin si kundërshtarë, raporton “Betimi për Drejtësi”.

“Ndër këta kundërshtarë përfshiheshin persona që ishin, ose që konsideroheshin se kishin qenë: (a) bashkëpunëtorë ose të lidhur me forca, zyrtarë ose institucione shtetërore të RFJ-së, ose që (b) ndryshe nuk mbështetnin qëllimet ose metodat e UÇK-së dhe më vonë të QPK-së, ndër të cilët persona të lidhur me LDK-në dhe serbë, romë dhe persona të kombësive të tjera (bashkërisht, ‘kundërshtarët’). Ky qëllim i përbashkët përfshinte krimet e përndjekjes, burgosjes, arrestimit dhe ndalimit arbitrar ose të paligjshëm, akte të tjera çnjerëzore, trajtimin mizor, torturën, vrasjen dhe zhdukjen me forcë të personave”, thuhet në aktakuzë.

Tutje, në aktakuzë përmenden edhe Azem Syla, Lahi Brahimaj, Fatmir Limaj, Sylejman Selimi, Rrustem Mustafa, Shukri Buja, Latif Gashi dhe Sabit Geci.

Sipas aktakuzës, të akuzuarit bashkë me udhëheqësit tjerë të UÇK-së kontribuuan në arritjen e qëllimit t përbashkët.

“Si alternativë, disa ose të gjithë këta individë nuk ishin anëtarë të ndërmarrjes kriminale të përbashkët, por u përdorën nga anëtarë të ndërmarrjes kriminale të përbashkët për të kryer krime për realizimin e qëllimit të përbashkët (së bashku me anëtarët e NKP-së, bashkërisht ‘anëtarët dhe instrumentet e NKP-së’)”, thotë akti akuzues.

Leave a Reply

Your email address will not be published.

You May Also Like

Rusia e do Kosovën si Bosnja

Ministri i Jashtëm Lavrov kërkon asociacioni e komunave serbe Nga Zagrebi, shefi…

Korea e Veriut dhe e Jugut rivendosin kanalet e komunikimit

Udhëheqësit e Koresë së Veriut dhe të Jugut rivendosën kanalet e pezulluara…

Ish kryeprokurorja speciale Janeva, nga burgu i Shutkës përfundon në spital

Ish-prokurorja speciale, Katica Janeva për shkak të gjendjes së vazhdueshme të rënduar…

Fshati që ka më shumë të infektuar dhe të vdekur në Maqedoni

Fshati Llabunishtë i Strugës i prinë listës së vendbanimeve me numrin më…

Vdes ish-kryetari i Federatës Pan Shqiptare të Amerikës “Vatra”

Është ndarë sot nga jeta ish- kryetari i Federatës Pan Shqiptare të…