Ministria e Punëve të Jashtme bullgare ka festuar Ditën e Shërbimit Diplomatik Bullgar me një manifestim të veçantë.

“Sot festojmë 143 vjet profesionalizëm të lartë dhe përkushtim ndaj çështjes kombëtare të Bullgarisë dhe aspiratës për të ndërtuar marrëdhënie miqësore me botën përreth nesh”, tha Ministrja e Punëve të Jashtme në dorëheqje, Teodora Gençovska.

Gençovska shprehu mirënjohjen e saj për brezat e diplomatëve bullgarë që i shërbyen me përkushtim atdheut në kushte jo më pak të vështira.

“Për shtatë muajt e fundit, duke punuar nëpër kriza paralele me Maqedoninë e Veriut, pa burime shtesë, jemi mbështetur më së shumti në përvojën dhe njohuritë që ata trashëguan. Mund të them me krenari të pa maskuar se kemi bërë një punë të denjë dhe shpresoj të mos i kemi zhgënjyer”, theksoi ajo.

Genoçovska falënderoi punonjësit e MPJ-së për profesionalizmin, pasi sipas saj, arritën të ruajnë interesat bullgare në çështjen me Maqedoninë e Veriut.

“Nuk është sekret se sfida kryesore me të cilën u përball ministria që nga fillimi i mandatit tim ishte çështja e Maqedonisë së Veriut. Ndaj dua të filloj me një falënderim të veçantë për ekipin tek i cili u mbështeta gjatë gjithë kohës. Duke u mbështetur në ekspertizën e krijuar gjatë dekadave, së bashku arritëm të mbrojmë interesin kombëtar në kushte jashtëzakonisht komplekse politike”, tha Gençovska.

Të ftuar në aktivitet ishin kryeministri Kiril Petkov, ministra, deputetë, eurodeputetë, ish-drejtues të ministrisë, përfaqësues të trupit diplomatik në Bullgari dhe mysafirë të tjerë.

Leave a Reply

Your email address will not be published.

You May Also Like

Moldavia: Na duhet ndihmë për fluksin e refugjatëve ukrainas

Refugjatët kanë vazhduar të marrin rrugë nga Ukraina drejt Moldavisë, duke e…

Gjykata Speciale cakton seancën e radhës ndaj Gucatit, Haradinajt dhe Mustafës

Gjykata Speciale ka caktuar seancën e radhës ndaj Nasim Haradinajt, Hysni Gucatit…

Publikohen dokumente të reja për fshehjen e pasurisë nga udhëheqës botërorë

Hulumtimi i gati 12 milionë dokumenteve nga 14 burime është udhëhequr nga…

Filipçe drejtuar krerëve të bashkësive fetare: Ndalesat janë ende në fuqi

Ministri i Shëndetësisë, Venko Filipçe në konferencën e sotme për shtyp theksoi…

Zaharieva: Do ta ndjekim regjistrimin në Maqedoninë e Veriut

Evropa dhe Bullgaria do ta ndjekin zbatimin e regjistrimit në RMV që…