Një shpërthim i madh ka goditur një tubacion gazi në rajonin Pasvalys të Lituanisë veriore, pranë kufirit me Letoninë.

Imazhet e transmetuara nga mediat lokale treguan flakët që ndriçonin qiellin e natës, por zyrtarët thonë se nuk ka pasur lëndime të shkaktuara nga shpërthimi.

Ministri i Mbrojtjes i Letonisë, Artis Pabriks, shkroi në Twitter se shkaku i incidentit do të hetohej dhe tha se sabotimi nuk mund të përjashtohej.

Por operatori i tubacionit tha se nuk besonte se shpërthimi ishte i dyshimtë.

“Sipas vlerësimit fillestar, ne nuk shohim ndonjë shkak malinj, por hetimi do të mbulojë të gjitha opsionet e mundshme. Ne nuk shohim shenja të ndonjë ndikimi të mundshëm nga jashtë”, u tha gazetarëve shefi ekzekutiv i Amber Grid, Nemunas Biknius, shkruan BBC.

Biknius tha se tubacioni – i cili u ndërtua në vitin 1978 – i është nënshtruar disa punëve të mirëmbajtjes së fundit dhe se zyrtarët do të përpiqen të përcaktojnë nëse kjo ka kontribuar në shpërthim.

“Të gjitha arsyet do të hetohen dhe sqarohen në ditët në vijim” tha Biknius.

Ai shtoi se furnizimi me gaz në tubacion ishte ndërprerë dhe se pret që zjarri të shuhet në orët në vijim. Nga Amber Grid deklaruan se shpërthimi kishte ndodhur “larg nga çdo ndërtesë banimi” dhe se tubacioni përbëhet nga dy sisteme paralele, e që shpërthimi ndodhi në njërin prej tyre dhe tjetri ishte i padëmtuar.

Leave a Reply

Your email address will not be published. Required fields are marked *

You May Also Like

Momenti kur hajduti kapet mat nga kamerat e sigurisë duke vjedhur në një restoran në Shkup (VIDEO)

Një video është shpërndarë në Twitter në Hotelin “La Tana” në Shkup,…

Fotografia që tregoi më së miri situatën në Capitol një vit më parë

Fotografja e Reuters, Leah Millis, mbuloi trazirat vdekjeprurëse jashtë Capitolit të SHBA-së…

Osmani: Me agresionin e paprovokuar rus ndaj Ukrainës, siguria në Evropë është kritike

Presidentja e Kosovës, Vjosa Osmani, ka pritur sot në takim kancelarin federal…

MSH: 206.013 të vaksinuar, 38.505 të rivaksinuar

MSH-ja njofton se numri I qytetarëve që janë paraqitur për t`u vaksinuar…

Zelensky thotë se është i gatshëm, që nga sot me rusët të fillojë shkëmbin e ushtarëve të zënë rob  

Presidenti ukrainas Volodymyr Zelensky ka thënë se është i gatshëm për shkëmbim…