Forumi ministror BE-Ballkani Perëndimor do të mbahet në Tiranë në datat 3 dhe 4 nëntor, me pjesëmarrjen e ministrave të drejtësisë dhe të punëve të brendshme nga rajoni, njoftoi Komisioni Evropian.

Tema e forumit do të jetë si të punojmë së bashku në fushën e drejtësisë, migracionit dhe sigurisë.

Komisionarja për Punët e Brendshme, Ilva Johansson, do të merr pjesë në takimin e ministrave të Brendshëm dhe komisionari për Drejtësinë, Didier Reynders, do të merr pjesë në mbledhjen e ministrave të Drejtësisë.

Tema e parë në seksionin kushtuar punëve të brendshme do të jenë çështjet e sigurisë që lidhen me luftën në Ukrainë dhe Johansson do të informojë ministrat e brendshëm për zhvillimet më të fundit në fushën e migracionit, azilit dhe menaxhimit të kufirit. Johansson propozoi një qasje të përbashkët ndaj migrimit gjatë takimit të Procesit të Berlinit më 20 tetor.

Në takime do të marrin pjesë edhe përfaqësues të Europol, Frontex dhe Agjencisë së Bashkimit Evropian për Azilin.

Takimi për gjyqësorin është caktuar për më 4 nëntor dhe KE njofton se komisionari Reynders do të diskutojë me ministrat për shtetin e së drejtës në Bashkimin Evropian dhe në Ballkanin Perëndimor.

Sipas njoftimeve, do të diskutohet edhe për luftën kundër krimit të organizuar dhe korrupsionit, si dhe për situatën në vendet e Ballkanit Perëndimor lidhur me ndjekjen penale në këtë fushë.

Në takimin për drejtësinë do të diskutohen edhe masat e marra kundër agresionit rus ndaj Ukrainës.

Reynders do t’i informojë ministrat mbi aktivitetet e grupit të punës “Ngrini dhe kapni” dhe nismat e fundit për të kriminalizuar shkeljet e sanksioneve të BE-së, të miratuara në maj 2022.

Është një grup pune për ngrirjen dhe konfiskimin, i krijuar në mars 2022 për të siguruar koordinimin midis shteteve anëtare në zbatimin e sanksioneve të Bashkimit.

Komisioni krijoi këtë grup pune, i cili synon të sigurojë një platformë për bashkëpunim dhe shkëmbim të të dhënave ndërmjet shteteve anëtare.

Leave a Reply

Your email address will not be published. Required fields are marked *

You May Also Like

Ndërroi jetë veprimtari Sejdin Lloga, bashkë me shokë ngriti flamurin shqiptar në Strugë në vitin 1968!

Ka ndërruar jetë në moshën 89 vjeçare, veprimtari dhe patrioti i shquar…

Trump mbron monumentet

Presidenti amerikan Donald Trump ka nënshkruar një urdhër ekzekutiv për mbrojtjen e…

Hyrja në vend me test negativ të Covid-19

Qytetarët që hyjnë në Maqedoni nuk kanë pse të shkojnë në karantinë…

Alexei Navalny, Greta Thunberg dhe OBSH nominohen për Çmimin Nobel për Paqe

Disidenti rus Alexei Navalny, Organizata Botërore e Shëndetësisë dhe aktivistja suedeze për…

Halil Snopçe: I rijmë besnik votës së qytetarëve, deri në fund kundër kësaj Qeverie (VIDEO)

Aleanca për Shqiptarët nuk ndryshon qëndrim karshi kësaj Qeverie, pavarësisht nëse partneri…