Sipas të dhënave të Kombeve të Bashkuara, forcat qeveritare të Afganistanit dhe ushtarët e NATO-s kanë vrarë më shumë civilë se militantët talibanë gjatë gjysmës së parë të vitit 2019.

Shumica e civilëve janë vrarë gjatë zhvillimit të operacioneve të NATO-s dhe forcave afgane kundër talibanëve, përfshirë sulmet ajrore dhe aksionet e zhvilluara gjatë natës në vendstrehimet e fshehta të militantëve, të cilët shpesh qëndrojnë në mesin e civilëve.

Në raportin e misionit të Kombeve të Bashkuara në Afganistan thuhet se gjatë gjashtëmujorit të parë të këtij viti, forcat afgane i kanë vrarë 403 civilë, forcat e huaja 314, ndërsa talibanët dhe disa grupe të tjera i kanë vrarë 531 civilë.

Në prill, Kombet e Bashkuara i publikuan shifrat për civilët e vrarë në çerekun e parë të vitit. Edhe për këtë periudhë, numri i civilëve të vrarë nga talibanët ishte më i vogël se numri i civilëve të vrarë nga NATO-ja dhe forcat afgane. Kjo ishte hera e parë që forcat qeveritare dhe forcat e huaja shkaktojnë më shumë viktima civile se talibanët.

Militantët i kanë refuzuar thirrjet për armëpushim në kohën kur po zhvillojnë bisedime me Shtetet e Bashkuara me qëllim të përfundimit të luftës.

Ndaj raportit të Kombeve të Bashkuara ende nuk kanë reaguar qeveria, ushtria apo forcat ndërkombëtare, shkruan “The Guardian”. /Gazeta Express/

Leave a Reply

Your email address will not be published. Required fields are marked *

You May Also Like

“Mosparaqitja e Ahmetit dhe Grubit si dëshmitarë, vulosi dënimet e përjetshme për herë të dytë”

Gjykata e Apelit në Shkup sot ka konfirmuar vendimin e Gjykatës Themelore…

Bugajski: Nëse rishikohen territoret në Kosovë, shqiptarët e Maqedonisë mund të kërkojnë bashkim me Shqipërinë

Ndërsa pandemia e koronavirusit shqetëson Uashingtonin, administrata e Trump pa dashje po…

Kurti i publikon me emra e foto: Vrasja e Aganit u urdhërua nga këta dy persona

Faton Kurti, kryetar i Republikanëve të Kosovës, ka thënë se vrasja e…

Hallaçi: Kërkoj zbardhjen e rastit të Kumanovës

Ju bejë Apel te gjithë Shqiptarve mbarë kombëtarë për hirë se vertetës…

Avokatja e Grupit të Kumanovës: Qeveria e Albin Kurtit do t’i lirojë djemtë tanë!

Kërkesa për hetim ndërkombëtar të rastit të Lagjes së Trimave të Kumanovës…