Deputeti holandez në Parlamentin Evropian, Thujs Reuten, ka shprehur pakënaqësi me pozitën e bllokut evropian karshi qëndrimeve të Serbisë.

Sipas Reuten, presidenti serb Vuçiq e sheh BE-në si “bankomat”, derisa nuk përkushtohet për t’i përmbushur kërkesat e tyre në kuadër të procesit të dialogut.

“Shtetet e anëtarë të Bashkimit Evropian dhe Komisioni Evropian duhet t’ia bëjnë të qartë Vuçiqit se nuk mund të sillet më në këtë mënyrë. Në njërën anë ai e minon procesin e dialogut duke dhënë komente të forta se nuk e ka nënshkruar marrëveshjen me Kosovën, e në anën tjetër pranon fonde të mëdha nga blloku evropian. Presidenti serb po e sheh BE-në si bankomat dhe kjo duhet të marrë fund. Për me tepër qeveria e Serbisë akoma nuk ka pranuar që t’i vë sanksione Rusisë për agresionin ushtarak në Ukrainë, prandaj ka ardhur koha që ai të zgjedh se në cilën rrugë do të shkoj”, deklaroi Reuten.

Teksa komentoi marrëveshjen Kosovë-Serbi, eurodeputeti tha se kjo do t’ia sigurojë vendit njohjen nga Serbia.

“Është e qartë se marrëveshja ne te ardhmen të qon tek njohja e pavarësisë së Kosovës nga Serbia por tani është momenti që të dyja palët të fillojnë me zbatimin e marrëveshjeve të arritura. Për Kosovën veçanërisht nuk ishte e lehtë që të pajtohet me ato pika të marrëveshjes, por tregoi gatishmëri për kompromise me Serbinë”, u shpreh ai.

Tutje, Reuten theksoi se nuk do të ketë një Republikë Serbe brenda Kosovës.

“Ekziston tashmë një Republike Serbe në Ballkan dhe kjo është shumë madje. Nuk do të lejohet edhe një Republike Serbe brenda Kosovës, prandaj të mos krijohet mjegull në opinion me artikullin e 7-të të marrëveshjes, ku bëhet fjalë për diçka tjetër. Ajo histori nuk do të përsëritet më. Kosova nuk e ka për obligim të krijoj diçka që përbën rrezik për sovranitetin e saj”, shtoi eurodeputeti holandez.

Krejt në fund, Reuten u bëri thirrje pesë shteteve skeptike të Bashkimit Evropian që ta njohin pavarësinë e Kosovës.

Leave a Reply

Your email address will not be published. Required fields are marked *

You May Also Like

Regjimi i Lukashenkas mbyll Shoqatën bjelloruse të Gazetarëve, vjen reagimi i OSBE-së

Regjimi i presidentit bjellorus Aleksandar Lukashenko po vazhdon t’i hakmerret medieve të…

Guvernatori i Luhanskut: Shanse të vogla për të mbijetuar në shkollë

Guvernatori i rajonit Luhansk të Ukrainës ka dhënë më shumë detaje rreth…

Masa të rrepta sigurie për ndeshjen Kosovë-Izrael

Kosova dhe Izraeli do të përballen në kuadër të rrethit të tetë…

“REKET”, dëshmojnë biznesmenët e zhvatur nga BOKI 13

Derisa Resul Lloga dhe Ardian Amzoski nga Drim Bilding, në Shkup sot…

Kush alarmoi për rastin e Muhamed Zekirit? Zbulon Villma Ruskovska

Shefja e Prokurorisë Publike Themelore për Ndjekjen e Krimit të Organizuar dhe…