Mali i Zi mbetet një objektiv tërheqës për Moskën dhe kjo është arsyeja përse Shtetet e Bashkuara dhe partnerët euroatlantikë duhet t’i shtojnë përpjekjet kolektive për të kundërshtuar veprimet armiqësore të presidentit rus, Vladimir Putin, tha i dërguari i posaçëm i SHBA-së për Ballkanin Perëndimor, Gabriel Escobar.

E njëjta ideologji e gabuar po e shtyn Kremlinin të parandalojë dhe ngadalësojë integrimin euroatlantik të Ballkanit, tha Escobar për të përditshmen malazeze, Vijesti.

Ai u bëri thirrje të gjithëve në Ballkanin Perëndimor që ta mbajnë Putinin përgjegjës për pushtimin e Ukrainës.

“Derisa shpaloset kjo katastrofë humanitare, ju duhet ta pyesni veten se për çfarë është gati Putin gjetkë në botë, përfshirë edhe Ballkanin Perëndimor”, tha Escobar.

Duke ndjekur politikën e Bashkimit Evropian, Qeveria e Malit të Zi ka vendosur sanksione kundër Rusisë më 1 mars, por nuk i ka marrë vendimet e nevojshme për t’i zbatuar ato.

Ndër të tjera, Qeveria nuk ka marrë vendim për ndalimin e mediave ruse, Russia Today dhe Sputnik, në Mal të Zi – për të cilën gjë është paralajmëruar nga BE-ja, e cila i ka ndaluar ato qysh më 2 mars.

Më 2 mars, Mali i Zi ka votuar për një rezolutë në Kombet e Bashkuara, e cila ka dënuar ashpër agresionin rus dhe ka kërkuar fundin e përdorimit të forcës në Ukrainë.

Rusia ka filluar pushtimin ushtarak të Ukrainës më 24 shkurt. Qeveria e kryeministrit malazez Zdravko Krivokapiq – pjesëtarë të së cilës janë cilësuar si pro-serbë dhe pro-rusë – është me mandat teknik që nga 4 shkurti, kur Kuvendi i Malit të Zi ka votuar një mocion mosbesimi kundër saj.

Më 3 mars, presidenti i Malit të Zi, Millo Gjukanoviq, ka propozuar zëvendëskryeministrin aktual dhe kryetarin e Lëvizjës URA, Dritan Abazoviq, si mandatar për formimin e Qeverisë së re./REL

Leave a Reply

Your email address will not be published.

You May Also Like

Kallëzim penal kundër ish kreu të KSHZ Maqedoni

Policia Financiare ka parashtruar kallëzim penal kundër ish-kryetarit të Komisionit Shtetëror, Oliver…

Në Kuvend dialog në kuadër të procesit “Zhan Mone”

Në Kuvendin e Republikës së Maqedonisë së Veriut procesi “Zhan Mone” sot…

Reagimi i mjekëve për deklaratat e Trumpit

Mjekët paralajmëruan që sugjerimi i presidentit në lidhje me injeksionin e dezifenktantëve…

Thaçi dhe kryesuesi i Asociacionit Parlamentar të NATO-s në Kanada bisedojnë për bashkëpunimin në sektorin e sigurisë

Presidenti i Republikës së Kosovës, Hashim Thaçi, është takuar me deputetin e…

7 vjet nga rasti i Kumanovës, Ziadin Sela ka një porosi

Kryetari i Aleancës për Shqiptarët (ASH), Ziadin Sela ka rikujtuar 9 majin…