Edhe një vrasje në shtetin serb pas dy krimeve masive që ndodhën ditëve të kaluara.
Një tragjedi familjare ka ndodhur sot në vendbanimin Iliçevo në Kragujevac të Serbisë, kur një djalë ka vrarë babanë e tij.
Burri 54-vjeçar me inicialet R.N. ka vrarë babanë e tij 81-vjeçar, R.N, raportojnë mediat serbe.
I dyshuari është i sëmurë mendor dhe nuk dihen motivet e ngjarjes. Pas autopsisë së të ndjerit do të dihet edhe shkaku i vdekjes.
Së shpejti në vendin e krimit kanë arritur pjesëtarët e policisë së Kragujevcit dhe kanë arrestuar R.N. me dyshimin se ka kryer vrasje.
Ndryshe, Serbia gjatë kësaj jave është tronditur me dy krime masive, ku mbetën të vdekur 17 persona.
