Gjatë operacionit të Policisë në një shtëpi në fshatin Maznik të Deçanit janë gjetur bimë narkotike duke u tharë, mjete të përdorura për prerjen e kanabisit e gjithashtu një sasi e gatshme e kanabisit.

Bastisja kishte nisur fillimisht në një shtëpi në Maznik e më pas edhe në një vend malor afër fshatit, ku janë gjetur dy plantacione të drogës.

I dyshuari i arrestuar në shtëpinë e bastisur mohon të ketë lidhje me substancat narkotike.

Ai nuk pranon të flasë duke mohuar se ka qenë në atë shtëpi.

Edhe pse provat e thonë të kundërtën prokurori atij i tregon se edhe heshtja është e drejtë e të dyshuarit.

Prokurori i shtetit, Ersan Qavolli, ka treguar se tash pasi kanë përfunduar bastisjet do të shkojnë në vendin që po mbahej nën vëzhgimin e Policisë, ku dyshohet se janë plantacionet e kanabisit.

“Tash kur kemi përfunduar me bastisje do shkojmë në lokacionet e fundit ku gjatë masave të fshehta të përdorura kemi parë se ka substancë të dyshuar e llojit kanabis”, tha Qavolli.

Gjatë këtij operacioni janë bastisur 10 lokacione në dy qytete, në Deçan dhe Gjakovë, dhe janë arrestuar me urdhër të prokurorit 7 persona të dyshuar.

Të arrestuarit dyshohen për veprat penale – kultivimi i bimës së hashashit, shkurres së kokainës apo kanabisit, dhe për shitblerje të drogës.

Në komunën e Gjakovës janë sekuestruar rreth 500 gramë narkotikë të dyshuar të llojit kokainë, ndërsa gjatë bastisjes në komunën e Deçanit në disa lokacione janë sekuestruar dhe asgjësuar bimë të mbjella të narkotikëve të llojit marihuanë në sasi totale mbi 100 kilogramë.

Po ashtu, gjatë këtij aksioni janë sekuestruar edhe armë, telefona, para “cash” dhe prova të tjera materiale të cilat do shërbejnë për ndriçimin e kësaj çështjeje penale.

Prokuroria ka treguar se gjatë aksionit ka sekuestruar dhe asgjësuar drogë në vlerë 600 mijë euro.

Prezent në vendin e ngjarjes gjatë shkatërrimit ka qenë edhe prokurori i shtetit Ersan Qavolli.

“Pasi kemi marr mostrat dhe kemi numëruar bimët narkotike do fillojmë edhe me shkatërrimin e tyre, ku prezentë janë edhe të dyshuarit që ne kemi fakte dhe prova se këta janë marrë me kultivimin e kësaj substance narkotike”, theksoi Qavolli. /Kallxo.com/

Leave a Reply

Your email address will not be published. Required fields are marked *

You May Also Like

Petkov për propozimin francez: Shkup tani ka zgjidhje për të ardhmen e saj

Kryeministri bullgar i dorëhequr Kiril Petkov sot ka deklaruar se do të…

Policia ‘në gjah’ pas Rinisë së BESËS

Vazhdon përndjekja e policisë për aktivistët e Lëvizjes BESA, pas askioneve të…

Shpërthim i fuqishme në Beograd, ka të lënduar

Pesë persona janë lënduar nga një shpërthim i një bombole gazi në…

Vuçiq thotë se mund të ndryshohet Rezoluta 1244 dhe Kosova të anëtarësohet në OKB

Presidenti i Serbisë, Aleksandar Vuçiq iu ka drejtuar kombit rreth zhvillimeve dhe…

Përfundoi hetimi për rastin “Perandoria”, prona të ngrira të Mijalkovit në të gjithë vendin

Përfundoi hetimi për rastin “Perandoria”, të hapur nga ish-PSP-ja, konfirmojnë për “Fokus”…