Operacioni i transferimit i Kompanisë Turkish Airlines (THY) nga Aeroporti Atatürk drejt Aeroportit të Stambollit është duke vazhduar, ku 94 për qind të procesit ka përfunduar, transmeton Anadolu Agency (AA).

Zyra e Shtypit e THY ka rikujtuar se operacioni i transferimit ka filluar dje në orën 03.00 me kohën lokale.

Në deklaratë më tej theksohet se të gjitha fluturimet e udhëtarëve nga aeroportet Atatürk dhe Stamboll janë ndaluar.

Nga ana tjetër Këshilltari për Shtyp i THY, Yahya Üstün, në deklaratë nga rrjetet sociale tha se 94 për qind të procesit të zhvendosjes ka përfunduar.

Fluturimi i fundit nga aeroporti Atatürk ishte në destinacionin Stamboll-Singapor.

Operacionet pas transferimit do të fillojnë më 6 prill në orën 14:00 në Aeroportin e Stambollit. Ndërkaq, fluturimi i parë pas migrimit të madh do të jetë Aeroporti i Stambollit – Aeroporti Esenboğa i Ankarasë.

Fluturimet që do të kryhen në Aeroportin e Stambollit do të rriten gradualisht me një plan të caktuar.

Në “migrimin e madh”, nga Aeroporti Atatürk për në Aeroportin e Stambollit do të transportohen materiale që kanë një peshë prej 47.300 tonësh, të cilat do të jenë të barabartë me vëllimin e pesë mijë kamionëve. Distanca që do të përshkojnë kamionët në 45 orë llogaritet në 400 mijë kilometra, e cila përkon me rrotullimin e kamionëve dhjetë herë rreth botës. Në këtë operacion të madh do të jenë të angazhuar më shumë se 1.800 punonjës.

Aeroporti i Stambollit për fluturimet e kryera pas hapjes së fazës së parë kishte në përdorim kodin e fluturimeve “ISL”. Pas transferimit të madh, do të kryhet edhe ndryshimi i kodeve “IATA” dhe që nga 6 prilli në orën 03:00, Aeroportit të Stambollit do t’i jepet kodi i aeroportit Atatürk “IST”. Ndërkaq, Aeroporti Atatürk do të përdorë kodin “ISL” për fluturimet VIP dhe ato kargo (transport).

Leave a Reply

Your email address will not be published. Required fields are marked *

You May Also Like

Do të hapen dyqanet, restorantet e kafenetë, ja vendi i parë në Europë që planifikon të dalë nga izolimi

Synimi është nga 14 prilli. Dyqanet e vogla deri në 400 metra…

Deklarata shokuese e zyrtarit kinez: Koronavirusin në Kinë e solli ushtria amerikane

Zëdhënësi i Ministrisë së Jashtme të Kinës Zhao Lijian ka bërë deklaratë…

VIDEO / Ushtari izraelit qëllon me plumb pas shpine palestinezin… për qejf

Ky është momenti shokues kur një ushtar izraelit është regjistruar duke qëlluar…

Boris Johnson në Elysee si në shtëpi, këmbët mbi tryezë në takimin me Macron

Në fotot zyrtare me këmbët në tryezë. Më shumë sesa vetë Brexit,…

I doli para një tufë luanësh, udhëheqësi “ngrin” në vend

Një udhëheqës i një ekspedite u trondit kur po ndiqte gjurmët e…