Dominic Raab ka dhënë dorëheqje si Sekretar i Drejtësisë dhe zëvendëskryeministër i Britanisë së Madhe pas një hetimi ndaj pretendimeve për bullizëm.

Hetimi pesë-mujor, nga një avokat i lartë, ishte caktuar nga kryeministri Rishi Sunak pas ankesave për sjelljen e Raabit si ministër, raporton BBC.

Në një letër drejtuar Sunakut, ai tha se do të jepte dorëheqjen nëse hetimi “do të zbulonte ndonjë bullizëm”.

Ai tha se hetimi “i hodhi poshtë të gjitha, përveç dy prej pretendimeve të ngritura kundër meje”.

Raab tha se dy gjetjet që ishin kundër tij ishin “të mangëta” dhe “vendosën një precedent të rrezikshëm për sjelljen e një qeverisjeje të mirë”.

Raporti mbi hetimin nga avokati i lartë Adam Tolley KC ende nuk është publikuar nga qeveria.

Dorëheqja e Raab – një prej mbështetësve kryesorë të Sunakut gjatë garës së lidershipit konservator vitin e kaluar – do të thotë se kryeministrit do t’i duhet të emërojë një sekretar të ri drejtësie.

Tolley po hetonte tetë ankesa zyrtare kundër Raab për bullizëm, i cili u emërua zëvendëskryeministër dhe Sekretar i Drejtësisë tetorin e kaluar.

Ankesat për bullizëm, të cilat përfshinin 24 persona, kanë të bëjnë me periudhat e mëparshme të Raab si sekretar drejtësie dhe sekretar i jashtëm nën Boris Johnson, dhe kohën e tij si sekretar i Brexit nën Theresa May.

Sunak ka qenë nën presion për të shpjeguar atë që dinte në lidhje me akuzat përpara se të riemëronte Raabin në kabinet.

Leave a Reply

Your email address will not be published. Required fields are marked *

You May Also Like

Shemben dy ndërtesa në Marsejë, deri në 10 persona ende nën rrënoja

Rreth 10 persona mendohet të jenë nën rrënoja pas një shpërthimi që…

Rrëfimi për trupat e gjetur në kamionin ngrirës në Danub, Kurti në Vjenë: Nuk do t’i harrojmë kurrë 1133 fëmijët e vrarë gjatë luftës nga regjimi i Serbisë

Kryeministri i vendit, Albin Kurti të enjten ka qëndruar për vizitë në…

Zyrtari ukrainas bën thirrje për më shumë ndihmë

Zëvendësministri i Jashtëm i Ukrainës falënderoi aleatët për ndihmën e tyre ushtarake…

Kërkohet dorëheqja e Spasovskit

VMRO-DPMNE akuzon Qeverinë dhe ministrin Oliver Spasovski për paaftësi me menaxhimin e…

Grabitje me armë në Shkup

Sonte rreth orës 22:20 minuta S.Xh. ka denoncuar në polici se në…