Republika Çeke, e cila aktualisht mban presidencën e radhës të Bashkimit Evropian, mbështeti propozimin për ndalimin e vizave në mbarë BE-në për qytetarët rusë.

“Ndalimi i vizave ruse nga të gjitha vendet anëtare të BE-së mund të jetë një tjetër sanksion shumë efektiv”, tha në një deklaratë ministri i Jashtëm çek, Jan Lipavsky.

Komentet e tij i japin mbështetje një synimi të tillë nga Estonia, Letonia dhe Finlanda që të gjitha shtetet e BE-së të ndalojnë lëshimin e vizave turistike për rusët dhe të parandalojnë anashkalimin e ndalimit.

Kryediplomati i Estonisë, Urmas Reinsalu, dje tha se do të paraqesë një propozim zyrtar në Këshillin e BE-së, të kryesuar nga Republika Çeke.

Lipavsky konfirmoi se do ta përfshijë propozimin në agjendën e takimit jozyrtar të ministrave të jashtëm të BE-së në Pragë më 31 gusht.

“Në kohën e agresionit rus, të cilin Kremlini vazhdon ta përshkallëzojë, nuk mund të flitet për turizëm të përbashkët për qytetarët rusë”, tha ai.

Nëse miratohen, sanksionet e reja do të dërgojnë një “sinjal shumë të qartë dhe të drejtpërdrejtë për shoqërinë ruse”, shtoi ai.

Qëndrimi i Republikës Çeke nuk është befasues pasi ishte vendi i parë i BE-së që pezulloi vizat për të gjithë rusët, me përjashtim të rasteve humanitare, menjëherë pas fillimit të luftës në Ukrainë më 24 shkurt, shkruan Anadolu.

Presidenti ukrainas Volodymyr Zelenskyy kishte sugjeruar më herët masën si një mënyrë për të rritur presionin diplomatik ndaj Moskës.

“Të vizitosh Evropën është një privilegj, jo një e drejtë njerëzore”, tha kryeministrja e Estonisë, Kaja Kallas, në fillim të kësaj jave.

Megjithatë, kancelari gjerman Olaf Scholz dje e hodhi poshtë idenë, duke theksuar se “kjo është luftë e Putinit” dhe se sanksionet nuk duhet të dëmtojnë njerëzit e pafajshëm.

BE-ja ka miratuar shtatë pako të sanksioneve ndaj Rusisë për luftën në Ukrainë, duke synuar, ndër të tjera, Putinin dhe ministrin e Jashtëm rus, Sergej Lavrov.

Masat përfshijnë gjithashtu sanksione ekonomike si ndalimi i importeve të arit, naftës dhe qymyrit dhe eksporti i mallrave luksoze, si dhe përjashtimi i bankave ruse dhe bjelloruse nga sistemi i pagesave ndërkombëtare SWIFT.

Leave a Reply

Your email address will not be published.

You May Also Like

Ministri ukrainas i Mbrojtjes thotë se forcat ruse kanë vrarë më shumë civilë sesa ushtarë ukrainasë

Forcat ruse kanë vrarë më shumë civilë ukrainasë sesa ushtarë në dy…

Agjentët federalë bien dakord të largohen nga Portlandi, me kushte

Qeveria amerikane thotë se do të tërheqë trupat federale që janë përleshur…

Pësojnë defekt teknik pajisjet që ndihmojnë fluturaken të aterojë, aeroplani me 126 pasagjerë përplaset në aeroportin e Miamit

Një aeroplan brenda të cilit kishte mbi 100 pasagjerë, është përplasur derisa…

Osmani: Dialogu të bëhet vetëm për njohje dhe anëtarësim në BE

Presidentja e vendit, Vjosa Osmani, ka ritheksuar se dialogu me Serbinë, duhet…

Nuk ka një fitues të qartë pas zgjedhjeve parlamentare në Francë

Pas raundit të parë të zgjedhjeve për parlamentin në Francë, fronti i…