Sekretari amerikan i shtetit, Antony Blinken zhvilloi të premten një bisedë telefonike me ministrin e Jashtëm rus Sergei Lavrov dhe i bëri presion Kremlinit të pranojë ‘propozimin thelbësor’ që Washingtoni ka paraqitur për të siguruar lirimin e dy amerikanëve të arrestuar në Rusi.

Kjo ishte biseda e tyre e parë e tillë që nga nisja e pushtimit të Ukrainës më 24 shkurt.

“Ne patëm një bisedë të sinqertë dhe të drejtpërdrejtë”, tha Blinken në një konferencë shtypi në Departamentin e Shtetit.

“Unë i bëra presion Kremlinit të pranojë propozimin thelbësor që ne bëmë për lirimin e Paul Whelan dhe Brittney Griner”, tha ai.

Diskutimi i tyre erdhi pasi një burim i njohur me procedurat tha se Rusia u përpoq të shtonte të dënuarin për vrasje Vadim Krasikov në shkëmbimin e propozuar. Zyrtarët amerikanë nuk e panë seriozisht idenë pasi Krasikov është në paraburgim gjerman, ndër të tjerave arsye, tha burimi, duke konfirmuar një raport të CNN.

Ndërsa nuk u fut në detaje, Këshilli i Sigurisë Kombëtare i Shtëpisë së Bardhë hodhi poshtë ofertën.

“Mbajtja peng e dy amerikanëve të arrestuar gabimisht për lirimin e një vrasësi rus në paraburgim të një vendi të tretë nuk është një kundër-ofertë serioze. Është një përpjekje me keqbesim për të shmangur marrëveshjen në tryezë që Rusia duhet të marrë”, tha zëdhënësja e Këshillit të Sigurisë Kombëtare, Adrienne Watson.

Një zyrtar amerikan, duke folur në kushte anonimiteti, tha se telefonata zgjati rreth 25 minuta dhe ishte “pa polemika dhe ishte për çështje biznesi”. 

Leave a Reply

Your email address will not be published.

You May Also Like

Hyrja në lokale në Kosovë, vetëm me pasaportë shëndeti

Vitia: Vlen certifikata e vaksinimit ose testi PCR Si shumë shtete të…

Gjeneralët në pension paralajmërojnë për ‘luftë civile vdekjeprurëse’ në Francë

Qeveria franceze e ka dënuar një letër të hapur të nënshkruar nga…

Japonia planifikon vendosjen e gjendjes së jashtëzakonshme gjatë Lojërave Olimpike

Qeveria e Japonisë planifikon të vendosë një gjendje të jashtëzakonshme në Tokio…

Vetëm katër raste të reja me COVID-19 në Kosovë

Katër raste të reja me COVID-19 janë regjistruar gjatë 24 orëve të…

Vuçiq thotë se mund të ndryshohet Rezoluta 1244 dhe Kosova të anëtarësohet në OKB

Presidenti i Serbisë, Aleksandar Vuçiq iu ka drejtuar kombit rreth zhvillimeve dhe…