Presidenti i SHBA Joe Biden tha për CNN se telefonata e tij me presidentin kinez Xi Jinping të premten kishte shkuar mirë. Sipas Shtëpisë së Bardhë, Biden “nënvizoi implikimet dhe pasojat nëse Kina ofron mbështetje materiale për Rusinë” në një telefonatë gati dy orëshe me liderin e Kinës.
“Presidenti nënvizoi mbështetjen e tij për një zgjidhje diplomatike të krizës”, tha Shtëpia e Bardhë.
Shtëpia e Bardhë shtoi se ata ranë dakord të mbanin “linja të hapura komunikimi”.
Telefonata e sigurt me video midis Biden dhe Xi filloi në orën 09:03 të mëngjesit (me orën lokale) të premten. Ajo zgjati 1 orë e 50 minuta, tha Shtëpia e Bardhë. Sipas medias shtetërore kineze CCTV, Xi i tha Biden se, “konflikti dhe konfrontimi nuk janë në interesin e askujt” dhe “Kina dhe SHBA kanë përgjegjësi të punojnë për paqen”.
