Presidenti i SHBA-së, Joe Biden ka thënë sërish se SHBA-të do të mbrojnë Tajvanin në rast të një sulmi nga Kina.

I pyetur në një intervistë për CBS nëse trupat amerikane do të mbronin ishullin, Biden tha: “Po, nëse në fakt, do të kishte një sulm të paprecedentë”.

Deklaratat e shtynë Shtëpinë e Bardhë të sqaronte se politika e SHBA-së nuk kishte ndryshuar.

Uashingtoni ka mbajtur prej kohësh një qëndrim “paqartësie strategjike” – ai nuk angazhohet për të mbrojtur Tajvanin, por gjithashtu nuk e përjashton opsionin.

Tajvani është një ishull i vetëqeverisur në brigjet e Kinës lindore që Pekini e pretendon si pjesë të territorit të tij.

Dhe siç shkruan BBC, Uashingtoni “ka ecur gjithmonë në një litar të hollë” diplomatik për këtë çështje.

Tajvani iu përgjigj deklaratave të Biden të hënën duke përshëndetur “angazhimin e fortë të sigurisë së qeverisë amerikane ndaj Tajvanit”.

Taipei tha se do të vazhdojë të thellojë “partneritetin e ngushtë të sigurisë” me Uashingtonin.

Ndryshe, vetëm në fillim të këtij muaji, SHBA ranë dakord t’i shesin 1.1 miliard dollarë armë dhe mbrojtje nga raketat në Tajvan, duke provokuar zemërimin e Kinës.

Pekini nuk i është përgjigjur ende komenteve të fundit të Biden, të transmetuara në një intervistë të CBS 60 Minutes të dielën.

Por Kina ka dënuar më parë komente të tilla nga Biden që premtonte veprime ushtarake të SHBA.

Leave a Reply

Your email address will not be published.

You May Also Like

Gashi hyri në Qeveri me disa premtime! Tani thotë se AAA s’ka fuqi të sjellë ekspertë të huaj për rastet e montuara

Qeveria do t’i dërgojë kërkesë zyrtare Komisionit Evropian në të cilën do…

Paralajmërimet për krizë ushqimore, Scholz: Përgjegjësia për këtë i takon vetëm Rusisë

Kancelari gjerman, Olaf Scholz paralajmëroi për rrezikun e një krize të rëndë…

Kurti në takimin me ambasadorin Kosnett: Shumë shpejtë do të formohet Qeveria e re

Albin Kurti, nga Lëvizja Vetëvendosje në takimin me ambasadorin amerikan, Philip Kosnett…

Serbia nuk do ta ekstradojë kriminelin e luftës në Bosnje, Vuçiq: Ai është mjek i respektuar

Serbia nuk do të ekstradojë në Bosnje të paditurin për krime lufte…

Gjenerali shqiptar i dërgon porosinë e fortë Vuçiqit

Ish-ministri i Mbrojtjes së Shqipërisë, Dritan Demiraj, ka komentuar pas deklaratës së…