Presidenti amerikan Joe Biden ka paralajmëruar Rusinë që të mos përdorë armë bërthamore kimike dhe taktike në luftën në Ukrainë.

Duke folur gjatë një interviste për CBS News, Biden tha se një veprim i tillë do të “ndryshonte fytyrën e luftës ndryshe nga çdo gjë që nga Lufta e Dytë Botërore”.

Presidenti rus Vladimir Putin vendosi forcat bërthamore të vendit në gatishmëri “speciale” pas pushtimit të Ukrainës në shkurt, shkruan BBC.

Ai u tha shefave të mbrojtjes se kjo ishte për shkak të “deklaratave agresive” nga Perëndimi.

Armët bërthamore ekzistojnë për gati 80 vjet dhe shumë vende i shohin ato si një pengesë që vazhdon të garantojë sigurinë e tyre kombëtare.

Rusia vlerësohet të ketë rreth 5,977 koka bërthamore, sipas Federatës së Shkencëtarëve Amerikanë.

Megjithatë, nuk ka gjasa që ajo të synojë të përdorë armë të tilla.

Armët bërthamore taktike janë ato që mund të përdoren në distanca relativisht të shkurtra, në krahasim me armët bërthamore “strategjike” të cilat mund të lëshohen në distanca shumë më të gjata dhe të ngrenë spektrin e luftës bërthamore gjithëpërfshirëse.

Në një intervistë me korrespondentin e CBS-së, Scott Pelley, në Shtëpinë e Bardhë, presidenti Biden u pyet se çfarë do t’i thoshte presidentit Putin nëse do të konsideronte përdorimin e armëve bërthamore në Ukrainë.

“Mos, mos, mos”, ishte përgjigja e Presidentit Biden.

Biden u pyet më pas se cilat do të ishin pasojat për Putinin nëse një kufi i tillë kalohej.

“Mendoni se do t’ju thoja nëse do ta dija saktësisht se çfarë do të ishte? Natyrisht, që nuk do t’jua them. Do të ishte me pasoja”, u përgjigj zoti Biden.

Leave a Reply

Your email address will not be published.

You May Also Like

Lindja e Brazilit u godit nga përmbytjet pasi dy diga u shkatërruan nga reshjet e dendura të shiut

Më shumë se 60 zona në shtetin brazilian të Bahia u goditën…

Kush do të drejtojë aeroportin në Kabul pasi të largohen forcat amerikane?

Kush do të drejtojë në fund aeroportin në Kabul pasi forcat amerikane…

Shkup, dy pjesëtarë të ushtrisë infektohen me koronavirus

Ministria e Mbrojtjes njofton se dy pjesëtarë të Ushtrisë kanë rezultuar pozitiv…

Infektologu Ahmeti: Sa më shumë vonohemi me vaksinim, aq më shumë do krijohen variante të COVID-19

Infektologu Salih Ahmeti përmes një video-mesazhi të publikuar nga Ministria e Shëndetësisë,…