Kryetari i Partisë Demokratike të Shqipërisë Sali Berisha, ka reaguar rreth zhvillimeve në veriun e Kosovës.

Ai tha se presidenti i Serbisë, Aleksandar Vuçiq, po vazhdon haptas përpjekjet për destabilizimin e Kosovës.

“Serbomadhi Vuçiq vazhdon haptas përpjekjet për destabilizimin e Kosovës.

Të dashur miq, banda të armatosura kriminale serbe të orkestruara direkt nga Beogradi sulmuan gjatë natës me breshëri njësitë në detyrë të policisë së Kosovës dhe hodhën granata kundër njësive të Euleksit, gazetarëve  dhe ekipit të Televizionit Dukagjini të Prishtinës në Rudar të Zveçanit. Këto banda kanë bllokuar rrugë kryesore në veriun e vendit”, tha Berisha.

Ish-kryeministri shqiptar theksoi se i dënon fuqishëm aktet e tilla dhe mbështet institucionet e Kosovës në garantimin e integritetit territorial, sovranitetit, rendit, sigurisë së vendit të tyre.

“Dënoj me forcën më të madhe këto sulme terroriste dhe destabilizuese të bandave kriminale serbe të dirigjuara direkt nga Beogradi ndaj policisë së Kosovës, misionit të Euleksit mediave si dhe bllokimin banditesk të rrugëve. Mbështes plotësisht autoritet e Kosovës në qëndrimet e tyre për garantimin e integritetit territorial, sovranitetit, rendit, sigurisë së vendit të tyre. I bëj thirrje komunitetit ndërkombëtar të ndëshkoj qëndrimet luftënxitëse të koordinuara me Kremlinin të presidentit të serbomadhisë Vuçiq dhe bandave të tij kriminale në veriun e Kosovës”, theksoi ai.

Leave a Reply

Your email address will not be published. Required fields are marked *

You May Also Like

24-vjeçarja nga Shqipëria arrestohet në Maqedoni!

Sot, pas mesnate, në ora 00:10 në një objekt hotelerik në hyrje…

Kosovë, aktakuzë ndaj disa ish-ministrave

Prokuroria Speciale e Kosovës ka ngritur aktakuzë kundër 11 personave për “keqpërdorim…

Mungesa e transparencës rrit mosbesimin ndaj propozimit francez

Propozimi i Francës për zgjidhjen e një kontesti midis Shkupit dhe Sofjes, që…

Zelensky thirrje ushtarëve rusë: Dorëzohuni

Presidenti i Ukrainës, Volodymyr Zelensky, ka ftuar ushtarët e Rusisë që të…

Nëna gjen të pajetë djalin në apartament, dyshohet se u vra nga babai

Një ngjarje e rëndë ka ndodhur në Selanik të Greqisë ditën e…