Bashkimi Evropian u ka bërë thirrje Kosovës dhe Serbisë që t’i ndalojnë retorikat nxitëse.

Në thirrjen e tyre thuhet se zyrtarët e lartë të të dyja shteteve do të mbajnë përgjegjësi për çdo përshkallëzim që çon në rritjen e tensioneve dhe potencialisht dhunës në rajon.

“Të gjitha çështjet e hapura do të adresohen përmes dialogut të lehtësuar nga BE-ja për normalizimin e marrëdhënieve ndërmjet Kosovës dhe Serbisë. BE pret që të dy liderët të diskutojnë për këto tema sfiduese në takimin e ardhshëm mes Presidentit të Serbisë, Aleksandar Vuçiq dhe Kryeministrit të Kosovës, Albin Kurti që do të mbahet më 18 gusht në Bruksel”, thuhet në njoftimin e BE-së.

Zëdhënësi i BE-së, Peter Stano ka thënë se arritja e një marrëveshjeje gjithëpërfshirëse kërkon një klimë që kontribuon në rivendosjen e besimit, pajtimit dhe marrëdhënieve të mira.

“Arritja e një marrëveshjeje gjithëpërfshirëse ligjërisht të detyrueshme për normalizimin e plotë të marrëdhënieve në kontekstin e dialogut të lehtësuar nga BE-ja kërkon një klimë që kontribuon në rivendosjen e besimit, pajtimit dhe marrëdhënieve të mira, ku marrëveshjet e kaluara respektohen dhe zbatohen plotësisht”, thuhet tutje në njoftimin e BE-së.

Leave a Reply

Your email address will not be published.

You May Also Like

Kurti për herë të parë “sy më sy” me Ana Bërnabiq në samitin e Londrës

Samiti i Banka Evropiane për Rindërtim dhe Zhvillim në Londër do të…

Padi penale kundër 20-vjeçares nga Tetova, publikoi fotografi komprometuese

Është ngritur padi penale ndaj një vajzë nga Gurgurnica Tetovës pasi e…

Lajçak e Von Cramon diskutojnë për dialogun Kosovë-Serbi

Përfaqësuesi i Posaçëm i Bashkimit Evropian për Dialogun Kosovë-Serbi, Miroslav Lajçak, është…

Ushtria amerikane parashikon kohën dhe vendin e rrëzimit të mbeturinave të raketës kineze

Kina lëshoi ​​një raketë të quajtur Long March 5B më 29 prill…