Bashkimi Evropian do të pezullojë trajtimin e privilegjuar tregtar dhe ekonomik të Moskës, do të frenojë përdorimin e saj të kriptovalutave dhe do të ndalojë eksportin e mallrave luksoze evropiane në Rusi dhe importin e produkteve të hekurit dhe çelikut nga ky vend, tha presidentja e Komisionit Evropian, Ursula von der Leyen.

Masat e reja do të futen si paketa e katërt e sanksioneve për shkak të pushtimit rus të Ukrainës dhe veprimet do të koordinohen me Shtetet e Bashkuara dhe aleatët e tjerë të Grupit të Shtatë (G7).

Von der Leyen tha se BE-ja do të prezantojë një paketë të katërt masash, të shtunën, më 12 mars, për të izoluar edhe më tej Rusinë dhe për të shkurtuar burimet që Moska sipas saj po përdorte për të financuar luftën në Ukrainë.

Ajo theksoi se të drejtat e Rusisë për të drejtuar institucionet shumëpalëshe, si Fondi Monetar Ndërkombëtar (FMN) dhe Banka Botërore, do të pezullohen.

BE-ja, së bashku me aleatët e tjerë perëndimorë si Shtetet e Bashkuara, do të shfuqizojnë statusin tregtar më të favorshëm të Rusisë, duke i hapur rrugën ndalimeve dhe vendosjes së tarifave ndëshkuese ndaj mallrave ruse, duke e vendosur Rusinë në të njëjtin status si Koreja e Veriut apo Irani.

Hapi i parë është ndalimi i importit të produkteve të hekurit dhe çelikut.

Bashkimi Evropian do të ndalojë veçanërisht eksportin e mallrave luksoze evropiane në Rusi, dhe përmes këtij vendimi, BE-ja synon t’i godasë elitat ruse.

Përveç kësaj, BE-ja do të ndalojë investimet evropiane në sektorin energjetik rus.

Leave a Reply

Your email address will not be published.

You May Also Like

Pse Rusia anuloi planin për të sulmuar fabrikën e çelikut në Mariupol?

BOTË / NGA BOTA Pse Rusia anuloi planin për të sulmuar fabrikën…

Joseph tregon se si e sheh SHBA-ja Vuçiqin: Ai është problemi në Ballkan

Ai ka theksuar se ka marrë konfirmimin se qëndrimi zyrtar i Abazoviqit…

Mjeku kinez zbulon kur do të shpëtojë bota nga koronavirusi (sipas tij)

Fundi i koronavirusit aktualisht duket si një perspektivë e largët për pjesën…

Tre ambasadorë do të shkojnë në Elbasan, ja me kë do të takohen

Ambasadori i BE-së Luigi Soreca, së bashku me ambasadoren franceze Elisabeth Barsacq…

Nis dezinfektimi i plazheve

Protokoll anti-Covid për sezonin veror Nis dezinfektimi i plazheve për një sezon…