Liderët e BE dhe SHBA reaguan për sulmin në stacionin hekurudhor të Kramatorsk mëngjesin e kësaj të premteje në lindje të Ukrainës, ku nga të dhënat e fundit raportohet për të paktën 39 persona të vrarë dhe qindra të plagosur.
Presidenti i Këshillit Europian, Charles Michel, tha se ishte “e tmerrshme” të shohësh raketën të godiste një nga stacionet kryesore të përdorura nga civilët që evakuonin rajonin.
Shefi i politikës së jashtme të BE-së, Josep Borrell, dënoi ashpër sulmin e mëngjesit të sotëm dhe e quajti atë “një përpjekje tjetër për të mbyllur rrugët e arratisjes për ata që ikin nga kjo luftë e pajustifikuar”.
Edhe një zëdhënëse e Shtëpisë së Bardhë dënoi “imazhet e tmerrshme dhe shkatërruese” të sulmit në një intervistë me CNN.
