Normat e interesit në eurozonë nuk do të rriten deri në vitin e ardhshëm. Banka Qendrore Evropiane është duke u ofruar bankave kredi të lira për të ndihmuar në ringjalljen e ekonomisë. Këto lëvizje të papritura erdhën pasi banka bëri parashikimet e saj për rritjen dhe inflacionin këtë vit. Banka qendrore tha se normat do të mbeteshin në nivelet e tyre të tanishme “të paktën deri në fund të vitit 2019” . Mario Draghi, kryetar i BQE, tha se të dhënat ekonomike treguan një “moderim të konsiderueshëm” në rritje.

Ai tha se rritja ekonomike në eurozonë tani pritet të jetë 1.1% këtë vit, krahasuar me një parashikim të mëparshëm prej 1.7%. Inflacioni pritet të jetë 1.2%, nga një parashikim i mëparshëm prej 1.6%. “Ne jemi në një periudhë të vazhdueshme rënieje dhe pasigurie. Perspektiva afatshkurtër e rritjes do të jetë më e dobët se sa parashikohej më parë,” tha zoti Draghi.

Vendimi i tij për të rritur normat ndjek lëvizje të ngjashme me ato të bankave qendrore në mbarë botën, duke përfshirë Rezervën Federale të SHBA dhe Bankën e Anglisë. Z.Draghi gjithashtu vuri në dukje ndikimin e luftërave tregtare dhe faktorëve të tjerë.

“Rreziqet që rrethojnë perspektivën e rritjes së zonës së euros lidhen me paqëndrueshmërinë që shkaktohet nga faktorët gjeopolitikë, dhe dobësitë e tregjeve në zhvillim“, tha zoti Draghi.

Andrew Kenningham, ekonomisti kryesor i Europës në Capital Economics, tha se udhëzimet për rritjen e normës së ardhshme dhe financimet për bankat ishin “më akomoduese sesa parashikimet e tregjeve. “Sidoqoftë, ne dyshojmë se masat e reja do të jenë të mjaftueshme për të përmbysur ngadalësimin ekonomik”, thekson ai.

Leave a Reply

Your email address will not be published.

You May Also Like

“Mirë se vini në ferr” – ushtria ukrainase pajiset me armë anti-tank, NLAW

Ushtria ukrainase ka njoftuar përmes një postimi në Twitter se është pajisur…

Kryeministrja e Suedisë e konfirmon: Do të aplikojmë në NATO

Kryeministrja e Suedisë, Magdalena Andersson, e ka konfirmuar se vendi i saj…

Blinken viziton Italinë

Sekretari amerikan i Shtetit Antony Blinken pritet të vizitojë sot Italinë, si…

1 viktimë dhe dëme të shumta materiale nga tërmeti në Meksikë

Një tërmet i fuqishëm me magnitudë 7.4 goditi Meksikën. Lëkundjet u ndjenë…

Ushtritë e NATO-s dhe Rusisë shumë pranë njëra-tjetrës

NATO nisi zyrtarisht stërvitjen ushtarake “Baltops Naval” në Detin Baltik. Në to…