Kërkesa për hetim ndërkombëtar të rastit të Lagjes së Trimave të Kumanovës ka nxitur reagimin edhe të avokates së njohur, Artene Iseni, e cila po mbron disa nga pjesëtarët e Grupit të Kumanovës. Ajo përmes një postimi në profilin e saj në facebook ka komentuar qëndrimet e fundit të kandidatit për kryeministër të Qeverisë së Kosovës, Albin Kurti për hetim ndërkombëtar për këtë rast.
“Kërkesa e Kryeministrit të ardhshëm të Republikës së Kosovës z. Albin Kurti, që të bëhet hetim ndërkombëtarë është një ndër obligimet dhe prioritetet e kësaj Qeverie. Vetëm me ekspert dhe hetues të pandikuar nga interesat e atyre që inskenuan dhe realizuan ngjarjen e Kumanovës mund të kënaqet drejtësia dhe djemtë tanë të lirohen tërësisht nga akuza e Terrorizmit. Forca e re shpresa e re”, nënvizoi avokatja Iseni.
Lideri i VV-së dhe kandidati për kryeministër të Kosovës, Albin Kurti gjatë vizitës së fundit në Shkup përvec prioriteteve për bashkëpunim dhe projekte me interes të përbashkët, me kryeministrin Zoran Zaev ka biseduar edhe për rastin e Kumanovës. Deputeti dhe nënkryetari i LSDM-së, Muhamed Zekiri në intervistën në Pressing në T7 ka thënë se Kurti ka kërkuar nga Zaev hetim për këtë rast.
“Zotri Kurti ka kërkuar hetim ndërkombëtarë për rastin e Kumanovës. Ia ka kërkuar Zaevit, nuk e di a është mirë që e them, por atë ditë që ishte në takim i kërkoi kryeministrit tonë”, theksoi Zekiri. Hetimi ndërkombëtar më parë ishte theksuar edhe nga vetë Zaev, ministri i brendshëm Oliver Spasovski, ndërsa ky rast ka qenë edhe nën thjerrzën e ish-Prokurorisë speciale.

Leave a Reply

Your email address will not be published.

You May Also Like

Rusia është përgjegjëse për shpërthimin në Belgorod, thotë Ukraina

Sot në mëngjes u raportua se helikopterët ukrainas kishin shkatërruar një depo…

Shpërthen Salvini: Nëse Kjo Është BE-Ja, Është Një M*T! Italia Do Dalë Nga Unioni

“Çmenduri. Europës iu dashkan edhe 15 ditë të tjera për të vendosur…

“Nuk pyet për perëndimin”, Rusia bllokon fluturimet në Krime e Detin e Zi

Rusia ka ndaluar përkohësisht fluturimet në disa pjesë të Krimesë dhe Detit…

Kompania turke që prodhon pajisjet mbrojtëse për Volodymyr Zelenskyn dhe bashkëpunëtorët e tij

Kompania turke Garanti Kompozit, është ajo që merret me pajisjet mbrojtëse për…

Skiatori Albin Tahiri flet nga Pekini: Mbajtja e flamurit të Kosovës është krenari, besoj se do t’i përmirësoj arritjet e mia

Skiatori Albin Tahiri për herë të dytë do ta përfaqësojë Kosovën në…