Edhe pse në kohë pandemie, kur pothuajse gjithë fokusi po bie mbi luftën ndaj Covid 19, megjithatë veprimtaritë e paligjshme, si ajo e korrupsionit, drogës dhe krimit, nuk kanë të ndalur. Rasti i ndalimit të një të afërmit të zëvendësministrit të Punëve të Brendshme, Nazif Bushit, flet qartë që njerëzit që janë të afërt me pushtetin, më saktë me BDI-në dhe LDSM-në, mendojnë se janë të mbrojtur nga pushteti, duke ia lejuar vetes të merren edhe me drogë. Sikur të mos mjaftonte kjo, edhe këshilltari i ri i Zëvendëskryeministrit të Parë, Artan Grubi, po ashtu doli të jetë i implikuar në tema narkotike, që po ashtu flet edhe një herë se BDI – si pjesë e Qeverisë – po bëhet strehimore e personave që merren me drogë.

Pas këtyre rasteve, shtrohet pyetja se cili e ka rendin nga BDI dhe LSDM të dalë i përfshirë në afera me narkotikë, që vazhdojnë të mbulohen me petkun e pushtetit?

Nëse Kryeministri Zaev, por edhe Ministri i Punëve të Brendshme, Oliver Spasovski, pretendojnë se janë të pastër nga këto skandale, ata do të duhet t’i dënojnë këto raste. Në të kundërtën, ata janë bashkëpjesëmarrës në këto dukuri.

Prandaj, Aleanca për Shqiptarët & AlternAtiVA gjykojnë se kur ke polici partiake dhe gjyqësor politik, është e natyrshme se ajo që rritet nuk do të jetë cilësia e shtetit të së drejtës, por vetëm sasia e drogës së kontrabanduar nga njerëzit e pushtetit. Ndërkaq më tragjike se kjo janë aleancat mes LSDM dhe BDI-së, kur tentojnë ta mbrojnë njëri-tjetrin duke u akuzuar se cili prej tyre është diler më i madh a më i vogël i drogës.

Prandaj ne nuk mund të mos konkludojmë se ky nuk është më shteti i së drejtës, por është shteti i pushtetarëve që e përdorin pushtetin për t’i mbrojtur narkodilerët. Natyrisht, pas kësaj vijon konstatimi se arsyeja e legalizimit të mariuhanës është shpjegimi për rritjen e këtyre skandaleve narkotike. Ndërkaq të gjithë ne e dimë se protagonisti i asaj ideje ishte askush tjetër, por vetë kryeministri Zaev.

Leave a Reply

Your email address will not be published. Required fields are marked *

You May Also Like

“Mosparaqitja e Ahmetit dhe Grubit si dëshmitarë, vulosi dënimet e përjetshme për herë të dytë”

Gjykata e Apelit në Shkup sot ka konfirmuar vendimin e Gjykatës Themelore…

Bugajski: Nëse rishikohen territoret në Kosovë, shqiptarët e Maqedonisë mund të kërkojnë bashkim me Shqipërinë

Ndërsa pandemia e koronavirusit shqetëson Uashingtonin, administrata e Trump pa dashje po…

Kurti i publikon me emra e foto: Vrasja e Aganit u urdhërua nga këta dy persona

Faton Kurti, kryetar i Republikanëve të Kosovës, ka thënë se vrasja e…

Hallaçi: Kërkoj zbardhjen e rastit të Kumanovës

Ju bejë Apel te gjithë Shqiptarve mbarë kombëtarë për hirë se vertetës…

Avokatja e Grupit të Kumanovës: Qeveria e Albin Kurtit do t’i lirojë djemtë tanë!

Kërkesa për hetim ndërkombëtar të rastit të Lagjes së Trimave të Kumanovës…