Shtetet e Bashkuara të Amerikës kanë sulmuar Iranin në mënyrë kibernetike. Ky sulm i është bërë kompjuterëve të cilët kontrollojnë raketat e ushtrisë Iraniane.

Ushtria amerikane ka lëshuar sulmin kibernetik ndaj sistemit të armëve të Iranit këtë të marte, thuhet nga burimet e sigurta të gazetës The Guardian, të cilët janë të afërt me presidentin Donald Trump. Kjo erdhi si hakmarrje ndaj sulmit që Irani e bëri këtë javë ndaj dronit amerikan.

Ky sulm, bëri që sistemi kompjuterik i ushtrisë iraniane të jetë i papërdorshëm dhe ia pamundësoi kontrollin ndaj raketave, dhe sipas burimeve të mediave ndërkombëtare, vetë Trump e autorizoi këtë sulm.

Dy nga zyrtarët thanë që sulmi, i cili shenjtëroi kompjuterët e ushtrisë iraniane, ka qenë si opsion i dytë, pasi që opsioni i parë ka qenë sulmi direkt ndaj Iranit. Garda Revolucionare e Iranit (ushtria e vendit) është vendosur në listën e organizatave terroriste nga SHBA-ja.

Gjatë viteve të fundit, zyrtarët amerikanë kanë qenë të fokusuar më shumë në sulme kibernetike sesa operacione ushtarake.

Tensionet e SHBA-së me Iranin kanë eskaluar që nga viti i kaluar, pasi që SHBA-ja u tërhoq nga marrëveshja nukleare e vitit 2015, dhe filloi politikën e “presionit maksimal”. Irani që nga kjo kohë, ka qenë shënjestër për shumë sanksione.

Tensionet u rritën këtë javë, pasi që Irani gjuajti një dron amerikan, i cili sipas Republikës Islamike, ishte futur në hapësirën e tyre ajrore, ndërsa sipas SHBA-së, droni po fluturonte në hapësirat neutrale.

Në javët e fundit, hakerët të cilët punojnë për qeverinë e Iranit kanë shenjtëruar agjencitë e qeverisë amerikane, po ashtu edhe sektorët e ekonomisë dhe financave, naftës dhe gazit, dhe shumë sektorë të tjerë. Kjo fushatë e sulmeve kibernetike mendohet të ketë ardhur menjëherë pasi që SHBA-ja u largua nga marrëveshja nukleare.

Leave a Reply

Your email address will not be published.

You May Also Like

757 pacientë me koronavirus po trajtohen në spitalet e Kosovës

Në klinikat COVID të QKUK-së dhe në spitalet e përgjithshme të Kosovës…

Incident i armatosur në Shkup, plagoset një person

Një person është lënduar në një incident të armatosur që ka ndodhur…

Rodrigo Duterte, presidenti i Filipineve njofton largimin nga politika

Presidenti i Filipineve, Rodrigo Duterte, ka thënë se nuk do të kandidojë…

88 raste të reja, 123 të shëruar dhe tre të vdekur në Maqedoni nga koronavirusi

Ministri e shëndetësisë informon se në 24 orët e fundit janë bërë…

Gjuhet me gurë në drejtim të trenit që po lëvizte në hekurudhën Shkup-Kërçovë

Me 24.03.2019 në ora 18.15 në SPB Tetovë është lajmëruar se në…