Rrjeti televiziv Al Jazeera njoftoi sot se ka ngritur padi në Gjykatën Ndërkombëtare Penale (GJNP) për vrasjen e gazetares së saj Shireen Abu Akleh ndërsa mbulonte një bastisje të forcave izraelite në Bregun Perëndimor të pushtuar.

Rrjeti televiziv me bazë në Doha tha se padia përfshin “prova të reja të dëshmitarëve dhe pamje video që tregojnë qartë se Abu Akleh dhe kolegët e saj u qëlluan drejtpërdrejt nga Forcat pushtuese izraelite.

Abu Akleh, 51 vjeç, gazetare palestinezo-amerikane, u vra më 11 maj, ndërkaq, Ministria palestineze e Shëndetësisë tha se ajo u qëllua në kokë ndërsa mbulonte një bastisje të ushtrisë izraelite në qytetin Jenin të Bregut Perëndimor.

Në shtator, ushtria izraelite pranoi se Abu Akleh ishte vrarë “gabimisht” nga të shtënat e një ushtari izraelit.

Por Al Jazeera tha se pretendimet izraelite se gazetarja u vra gabimisht ishin “të pabazuara”, shkruan Anadolu.

“Dëshmitë e paraqitura në Zyrën e Prokurorit konfirmojnë, pa asnjë dyshim, se në zonën ku ndodhej Shireen nuk kishte të shtëna, përveç se forcat pushtuese izraelite qëlluan drejt në të”, shtohet më tej.

“Dëshmitë tregojnë se kjo vrasje e qëllimshme ishte pjesë e një fushate më të gjerë për të shënjestruar dhe heshtur Al Jazeera-n”, tha rrjeti.

Disa agjenci kryesore mediatike, duke përfshirë Al Jazeera, CNN, Associated Press, Washington Post dhe New York Times, kryen hetimet e tyre, nga të cilat të gjitha erdhën në përfundim se Abu Akleh u vra nga plumbi izraelit.

“Al Jazeera përsërit angazhimin e saj për arritjen e drejtësisë për Shireen dhe kërkimin e të gjitha rrugëve për të siguruar që të kërkohet përgjegjësi nga autorët dhe të sillen para drejtësisë”, tha rrjeti televiziv.

Leave a Reply

Your email address will not be published. Required fields are marked *

You May Also Like

Biden zbardh prapaskenat: Kemi marrëveshje me talebanët…

Teksa situata kaotike në Kabul vazhdon, presidenti amerikan Joe Biden iu drejtua…

25 vjet nga masakra e Srebrenicës

Bosnja e Hercegovina sot shënon 25 vjetorin e masakrës së Srebrenicës. Kjo…

Punonjësit e Postës së Maqedonisë sot me grevë paralajmëruese

Paga për muajin shtator ose ndërprerje të punës. Ky është mesazhi i…

Rrezikohet siguria e aviacionit në Kosovë/ Sulmohen me rreze laseri aeroplanët mbi hapësirën e Aeroportit të Prishtinës

Aeroplanët e linjave të ndryshme janë sulmuar me rreze laseri në Lipjan duke…

Drafti anti-koronavirus/ Italia pritet të miratojë dekretin për ndihma sociale për familjet, bizneset e punonjësit. Ndihmë speciale edhe për turizmin

Italia pritet të miratojë dekretin lidhur me ndihmat sociale për familjet, bizneset…