Kosova përkujton sot 24-vjetorin e Masakrës së Reçakut, ku u vranë mbi 45 civilë të pafajshëm shqiptarë. Ish-shefi i misionit vëzhgues të OSBE-së në Kosovë, ambasadori William Walker, e pati cilësuar Masakrën e Reçakut si krim kundër njerëzimit.

Më 15 janar 1999, në fshatin Reçak u vranë e u masakruan barbarisht 45 shqiptarë të paarmatosur.

Në orët e hershme të mëngjesit të 15 janarit Reçaku u zgjua i rrethuar. Sipas dëshmitarëve, aty rreth orës 6:30 forcat serbe me artileri të rëndë kanë filluar të bombardojnë fshatin. Pas ndërprerjes së bombardimeve, forcat serbe janë futur në fshat dhe kanë filluar bastisjet.

Masakra e Reçakut tmerroi botën dhe zgjoi ndërgjegjen e diplomacisë botërore duke u mobilizuar për Kosovën. Tmerret e shkaktuara në fshatin Reçak sollën në vëmendje të gjithë botën e civilizuar dhe shpalosi të vërtetën rreth planit gjenocidal të ish-kriminelit Sllobodan Millosheviq.

Pas Reçakut, çështja e Kosovës do të jetë në një konferencë ndërkombëtare në Rambuje e në Paris, mossuksesi i të cilës do të ndikonte në ndërhyrjen e NATO-së kundër forcave ushtarake serbe, largimin e tyre nga Kosova dhe vendosjen e administratës ndërkombëtare në Kosovë, shkruan KosovaPress.

Reçaku atëbotë kishte zënë vend në mediat dhe kancelaritë e shteteve më me ndikim në botë. Ish-sekretarja e Shtetit, Madeleine Albright, e kishte dëgjuar lajmin dhe ishte zgjuar me ankth se ç’do t’i sillnin orët në vijim Kosovës.

Ndërkaq, shefi i misionit të OSBE-së, William Walker kishte shkuar në vendin e krimit shumë shpejt dhe kishte drejtuar gishtin nga lugina e masakrës duke e përcaktuar krimin me tri fjalë: Krim kundër njerëzimit.

Pas Masakrës së Reçakut, rifilluan luftimet 48 orësh mes UÇK-së dhe forcave serbe për marrjen e kufomave. Serbia donte t’i zhdukte gjurmët e krimit, por kjo tentativë e tyre dështoi. Bota e pa krimin.

Për herë të parë nga skenat rrëqethëse dhe masakrat barbare që bënë forcat serbe në popullatën civile shqiptare, kishin tmerruar edhe misionarë dhe diplomatë të botës.

Leave a Reply

Your email address will not be published. Required fields are marked *

You May Also Like

Macron: Në një moment të caktuar, Ukraina do të duhet të negociojë me Rusinë

Presidenti francez, Emmanuel Macron ka deklaruar se në një moment të caktuar,…

VMRO-DPMNE: Letërnjoftime nuk po jepen për më shumë se 20 ditë, MPB e Spasovskit nuk është funksionale

Nëpërmjet një njoftimi të VMRO-DPMNE-së thuhet se “MPB-ja e Spasovskit është jofunksionale,…

Specialja s’e përjashton mundësinë që Dick Marty të ftohet si dëshmitar

Ish-raportuesi i Këshillit të Evropës, Dick Marty, mund të ftohet si dëshmitar…

Dimitrovski konfirmojnë se shumë shpejt do të hapet pika kufitare Stanqiq-Bellanoc

Kryetari i Komunës së Gjilanit, Lutfi Haziri, ka zhvilluar sot një takim…

Harris akuzon Kinën për presion e qasje frikësuese

Nënpresidentja e Shteteve të Bashkuara, Kamala Harris akuzoi Pekinin të martën se…